Руслан Аџьба атәанчаҩратә еицҵалыҵқәа раагара аиҿкаара аганахьала аҭагылазаашьақәа реиҭакра инамаданы атәанчаҩратә еиқәыршәара азҵаарақәа рыла имҩаԥгаз урыстәылатәи рколлегацәа рыҿцәажәарақәа рылҵшәақәа рзы адырра ҟаиҵеит.
Иахьазы, Аԥсны Амилаҭтә Банк адыррақәа рыла 15 процент рҟынӡа атәанчаҩцәа рхала урыстәылатәи акредиттә усбарҭақәа рахь ицаны анаҩс уахь урыстәылатәи атәанчахәы ахыԥхьаӡаларазы урыстәылатәи абанктә хсаалагақәа еиқәдыршәеит.
Аԥсны иахьазы иҟоуп 24 нызықьҩык рҟынӡа урыстәылатәи атәанчахәы зауа, урҭ рахьынтә 4 нызықьҩык инареиҳаны 80-шықәса еиҳауп.
Владимир Делба аиԥылара иалахәыз аиҿкааратә зҵаарақәа зегьы излауа ала ирласны рыӡбара ахымԥадатәра ахшыҩзышьҭра арҭарц абжьгара ҟаиҵеит. Аиԥылара аҿы Аԥсны иқәынхо урыстәытәи атәанчахәы зауа атәанчаҩратә шәатәқәа рыда иаанхаӡом ҳәа инаҵшьны иазгәаҭан.
