АЖӘАБЖЬҚӘА

12.Хәажәкыр.2025

Иҷыдоу аҭагылазаашьақәа рминистрра Аԥсны ауааԥсыра рахь амцаҽацәыхьчара аԥҟарақәа ирықәныҟәарц аҳәара ҟанаҵоит.

Аҟәа. Хәажәкырамза 12, 2025 шықәса. Аԥсныпресс.  Иҳаҩсыз уахыки-ҽнаки рыла ареспублика аҿы аԥсабаратә амцакрақәа рхыԥхьаӡара иацлеит.  Аԥсшьарамшқәа раан Очамчыра араион аҿы 30 гектар инареиҳаны аҵҩаақәа блит, амца анхарҭатә ҭыԥқәа рҟынӡагь инаӡеит, Аҽгәара ақыҭан ҩнык блит. Амца арцәара аларшахеит ашьыжь, хәажәкыра 10 рзы.

Аԥсны Иҷыдоу аҭагылазаашьақәа рминистрра аусзуҩцәа Гагра, Аҟәа, Очамчыра, Тҟәарчал, Гал араионқәа рҿы амца зыцралаз аҵҩаақәа дырцәеит.

Амцакрақәа макьаназы иҳәаарку аҟазшьа амоуп, аха аҳауа аԥхарра иахҟьаны амцакрақәа рхыԥхьаӡара еизҳар алшоит, насгьы амҽхак ҭбаахар ҟалоит, иҽеим ахҟьаԥҟьақәагьы ахылҿиаар ауеит, ҳәа адырра ҟанаҵоит аԥсаиқәырхаратә хылаԥшырҭа апресс-маҵзура.

Иҷыдоу аҭагылазаашьақәа рминистрра Аԥсны ауааԥсыра рахь аҳәара ҟанаҵоит, амцаҽацәыхьчара аԥҟарақәа ирықәныҟәарц, ақыҭанхамҩатә дгьылқәа ррыцқьаразы аҵҩаақәа амца рыцрарымҵарц.

 


Read 109 times
Image
Image
Image
Image
Информационное Агентство "АПСНЫПРЕСС" (РГУ "АПСНЫМЕДИА") © 2025
Все права на любые материалы, опубликованные на сайте, защищены в соответствии с абхазским и международным законодательством об авторском праве и смежных правах. Использование любых аудио-, фото- и видеоматериалов, размещенных на сайте, допускается только с разрешения правообладателя и ссылкой на www.apsnypress.info.