Аиқәшаҳаҭра ихадоу ахырхарҭақәа иреиуоуп аҵара-ааӡаратә хырхарҭа змоу апроектқәа рынагӡара, Урыстәылеи Аԥсни рҿар рҵарадырреи ркультуреи рыҩаӡара ашьҭыхразы ауаажәларратә мчқәа реидкылара.

«Аиқәшаҳаҭра иазԥхьагәанаҭоит аганқәа рыбжьара апартниортә еизыҟазаашьақәа рышьақәыргылареи аамҭарацәа зҵазкуа, аеффективра злоу аусеицура аҿиареи.    Аусеицура ихадоу ахырхарҭақәаны иҟалоит аҩ-тәылак рҟынтәи аҿар рҵарадырратәии ркультуратәи аҩаӡара ашьҭыхра азы ауаажәларра рылшарақәа реидкылара, ааӡаратәии аҵарадырратәии ахырхарҭа змоу апроектқәа рынагӡара», -ҳәа иазгәеиҭеит аҵара аминистр.

Инал Габлиа «Росдетцентр» акоманда аԥышәа амадара иаҵоу аҵакы ахадара инаҵшьны иазгәеиҭеит. Иара «Росдетцентр» иамоу аԥышәа аԥснытәи арҵаҩцәа рзы акырӡа хра злоу усны иҟалоит ҳәа иазгәеиҭеит. Иара иажәақәа рыла, аԥснытәи арҵаҩцәа иарбоу аԥышәа аҟынтәи Аԥсны жәлар ркультуреи рменталитети ҳасаб азурала еиҳа ахархәара зылшоны иҟоу апрактикақәа алырхуеит.

«Зыҿцаара ҳазхиоу апрактикақәа зегьы аԥсуа культура аконтекст аҿы ҳасаб азузароуп, убри аҟнытә сара даҽазныкггьы ҳаҭыр зқу ҳасасцәа иҭабуп ҳәа расҳәоит дара рԥышәа ахьҳамардо азы», – ҳәа иҳәеит иара.

Инал Габлиа «Росдетцентр» аҟынтәи аааӡаразы абжьгаҩцәа рзанааҭтә дырра аҩаӡара аҳаракра азгәеиҭеит. Урҭ рахьынтә Урыстәыла иҟоу рхыԥхьаӡара 40 нызықьҩык рҟынӡа инаӡоит, урҭ рахьнтә 80 процент рҟынӡа ашколтәии азанааҭҵаратәи аусбарҭақәарҿы аус руеит.

«Росдетцентр» адиректор Алеқсандр Кудриашов гәахәарыла иазгәеиҭеит иарбоу аиқәшаҳаҭра анапаҵыҩра аганқәа ирыбжьоу аиҩазаратәии аимабзиаратәи аизыҟазаашьақәа азакәантә шьаҭала ишышьақәнарӷәӷәо, иара убас аҵак ду змоу арҵаҩратә хыдҵақәа рынагӡара азы аусеицура иахыҵхырҭаны ишыҟало».

«Ари даара акыр аҵанакуеит, избан акәзар, ааӡара апроцесс ианакузалакгьы ԥхьаҟатәи аԥеиԥш иузаҟәымҭхо иадҳәалоуп», – ҳәа инаҵшьны иазгәеиҭеит  иара.