Items filtered by date: Ашәахьа, 21 Абҵара 2022

Аҟәа. Абҵарамза 21, 2022 шықәса. Аԥсныпресс.  Москваҟа иусуратә ҭаара аҳәаақәа ирҭагӡаны, Аԥсны Иҷыдоу аҭагылазаашьақәа рминистр Лев Кәыҵниа Урыстәылатәи Афедерациа Иҷыдоу аҭагылазаашьақәа рзы Аминистрра иатәу аҳәынҭқарратә абылрацәыхьчаратә маҵзура Академиа анапхгараҭара ахаҭарнакцәеи, иара убас Аԥснынтәи иарбоу аҵараиурҭа аҿы аҵара зҵо акурсантцәеи дырԥылеит.

Лев Кәыҵниа Академиа анапхгараҭара ахаҭарнакцәа дрыҿцәажәо Аԥсны аиқәырхаратә Хылаԥшырҭа азы ззанааҭдырра ҳараку акадрқәа разыҟаҵара аганахьала анаҩстәи аусеицура аперспективақәа дрылацәажәеит.  

Акурсантцәа дырԥыло Лев Кәыҵниа  рҵаратә процесс амҩаԥысшьеи қәҿиарақәас ирымоуи рыбзазара аиҿкаашьеи дрызҵааит.

Ас еиԥш аминистри Урыстәылатәи Афедерациа Иҷыдоу аҭагылазаашьақәа рзы Аминистрра апрофилтә ҵараиурҭақәа рҿы аҵара зҵо аԥснытәи акурсантцәеи реиԥыларақәа 2011 шықәса инаркны инеиԥынкыланы имҩаԥысуеит.

Икьыԥхьуп Ажәабжьқәа

Аҟәа. Абҵарамза 21, 2022 шықәса. Аԥсныпресс. Иахьа иазгәарҭоит Адунеизегьтәи ателехәаԥшра Амшныҳәа (World Television Day). Ари аныҳәа аԥҵан ԥхынҷкәынмза 17, 1996 шықәса рзы Еиду Амилаҭқәа Реиҿкаара (ООН) Ассамблеиа Хада ала.

Аԥсны ареспублика зегьы аҟны адырраҭарақәа алазырҵәо ателехәаԥшратә еилазаарақәа ҩба ыҟоуп.  Уи – абҵарамза 6, 1978 шықәсазы иаԥҵаз  Аԥснытәи аҳәынҭқарратә телерадҳио Еилахәыреи рашәарамза   26,  2007 шықәса рзы раԥхьаӡа аефир ахь ицәырҵыз «Абаза-ТВ» роуп.  Иара убас Аԥсны аус руеит иҭыԥырку ателестудиақәа – «Гәдоуҭа-ТВ», «Гал –ТВ».

«Гәдоуҭа-ТВ» адиректор Лариса Ҷанба Аԥсныпресс акорреспондент диҿцәажәо напхгара зылҭо ателестудиа аиҳарак араион аҿы имҩаԥысуа ажәабжь ҿыцқәа аланарҵәоит ҳәа иазгәалҭеит.

«Ҳара 2012 шықәса инаркны Гәдоуҭа араион аҿы имҩаԥысуа ахҭысқәа рзы адыррақәа ауааԥсыра ирылаҳарҵәоит. Аефир ахь ҳара ҳцәырҵуеит мчыбжьык ахь ҩынтә: амҽыша, ашәахьазы аиҭарбара ҳамоуп.  Аштат ала ҳара ҳтелестудиа аҿы 14-ҩык аус руеит», – ҳәа илҳәеит лара.

Икьыԥхьуп Ажәабжьқәа

Сухум. 21 ноября 2022. Апсныпресс. В городе Суздале Владимирской области с 20 по 25 ноября проходит XXVI  Международная конференция и выставка  «Информационные технологии, компьютерные системы и издательская продукция для библиотек»   “LIBCOM - 2022" .

Икьыԥхьуп Новости

Аҟәа. Абҵарамза 21, 2022 шықәса. Аԥсныпресс.  Аԥсны Иҷыдоу аҭагылазаашьақәа рзы Аминистрра аусзуҩцәа ареспублика ашколқәа рҿы абылрацәыхьчаратә шәарҭадареи абылрақәа раан ахымҩаԥгашьа аԥҟарақәеи рзы атеориатәии аԥышәаратәии аҽазыҟаҵарақәа мҩаԥыргоит.

Уажәазы аҳҭнықалақь аиқәырхаҩцәа иаҭааит аҟәатәи абжьаратәи ашкол №10. 11-тәи аклассқәа рҵаҩцәа абылрақәа рыҟалара мзызс иамоуи, амца еимга-еицарак ала алаҵәара афакторқәас иамоу, убри аан ахыхьчашьеи уааигәа иҟоу реиқәырхара азы иҟаҵатәуи рганахьала инарҭбаау адыррақәа роуит.  

Икьыԥхьуп Ажәабжьқәа

Сухум. 21 ноября 2022. Апсныпресс. Депутаты Парламента Абхазии принимают участие в работе Конференции Южно-Российской Парламентской Ассоциации (ЮРПА), которую принимает Республика Адыгея.

Сегодня утром, в соответствии с программой конференции, стартовали заседания комитетов ЮРПА. Все мероприятия конференции проводятся в формате видео-конференц-связи.

Икьыԥхьуп Новости

Аҟәа. Абҵарамза 21, 2022 шықәса. Аԥсныпресс. Аԥснытәи аҵаақәшьқьырҩы қәыԥш Шорена Гәыниаԥҳа Елец ақалақь Аԥхьахәгара аҿы ахԥатәи аҭыԥ аанылкылеит, иара убри ала 1-тәи ақәыԥштә разриад шьақәлырӷәӷәеит, ҳәа адырра ҟанаҵоит аҿари аспорти рзы Аҳәынҭқарратә Еилакы апресс-маҵзура.  Убас ала, 8 шықәса зхыҵуа Шорена Гәыниаԥҳа ақәыԥштә разриадқәа зегьы шьақәлырӷәӷәеит.

Шорена Гәыниа аицлабрақәа рҿы Шәача ақалақь аҵаақәшьқьырратә спорт Академиа «Олимпийский лед» ахьӡала дықәгылон.

Икьыԥхьуп Ажәабжьқәа

Аҟәа. Абҵарамза 21, 2022 шықәса. Аԥсныпресс.  Урыстәылатәи аидгьылуаа асоциалтәии азинтәии ацхыраара рыҭара азы Ассоциациа згәабзиаара алшарақәа ԥку ахәыҷқәа ацхыраара рызҭо агәыҳалалратә фонд «Поддержка» ианаҭеит 100 цырак инарзынаԥшуа, акоррекциатә усура иазку ашәҟәқәа.

«Ҳамҭас ирыҭаз алитература иахьатәи амш азы апрофиссионалтә практика аҿы акыр актуалра злоу, Аԥсны инхо, згәабзиара алшарақәа ԥку ахәыҷқәа ацхыраара рыҭара иазку аусура аҿы ахархәара змоу материалны иҟоуп. Иҷыдоу ахәыҷқәа аус рыдызуло аспециалистцәа ацхыраара рыҭара аҿы ихадоу акакәны иҟоуп иарбоу аиҿкаарақәа реиԥш иҟоу аҵара-методикатә литература ала реиқәыршәара.  Даараӡа иҭабуп ҳәа шәаҳҳәоит иҳашәҭаз ацхыраара азы», - ҳәа илҳәеит афонд «Поддержка» адиректор Анетта Бганба-Павелкова.

Икьыԥхьуп Ажәабжьқәа

Аҟәа. Абҵарамза 21, 2022 шықәса. Аԥсныпресс. Абҵарамза 20 рзы Аҟәа ақалақь аҿы ихыркәшахеит ахацәа ркомандақәа рыбжьара анапылампыл азы Ачемпионт.   Атурнир рхы аладырхәит аа-командак: Аҟәа, Очамчыра, Гагра, Пицунда, Агәыӡера, Аҷандара, иара убас Аԥснытәи аҳәынҭқарратә Университет акомандақәа.

Ахԥатәи аҭыԥ азы аматч аҿы еиԥылеит ААУ акомандеи Аҷандара-2 акомандеи. Ари аиндаҭлара аҿы асчиот 3:2 ҳәа аҷандаратәи акоманда аиааит.  Афиналтә еиндаҭлара аҿы еиԥылон «Аҟәа» акомандеи 2021 шықәсазы Аԥсны ачемпион ҳәа ахьӡ занашьахаз Аҷандҳаратәи акомандеи. Акомандақәа ахәаԥшцәа дыргәырӷьеит иԥшӡоу анапылампыл ахәмарра ала. Аматч хыркәшахеит асчиотом 3:1 ҳәа аҟәатәи акоманда аиааирала.

Икьыԥхьуп Ажәабжьқәа
Image
Image
Image
Image
Информационное Агентство "АПСНЫПРЕСС" (РГУ "АПСНЫМЕДИА") © 2024
Все права на любые материалы, опубликованные на сайте, защищены в соответствии с абхазским и международным законодательством об авторском праве и смежных правах. Использование любых аудио-, фото- и видеоматериалов, размещенных на сайте, допускается только с разрешения правообладателя и ссылкой на www.apsnypress.info.