Ачемпионат аркра иазкны имҩаԥысыз аныҳәатә церемониа аҿы атурнир қәҿиарала ахыркәшара аспортсменцәа ирыдырныҳәалеит аҿари аспорти русқәа рзы аҳәынҭқарратә Еилакы аспорт аҟәша аспециалист хада Адгәыр Киут, Аԥсны анапылампыл Афедерациа апрезидент, акоманда «Аҟәа» ахәмарҩы  Аслан Ҭырқьба, иара убас ачемпионат аӡбаҩ хада, ареспубликатә категориа змоу аӡбаҩ  Џьумбер Салаҟаиа.

Атурнир иреиӷьу ахәмарҩцәа ҳәа иалкаахеит: Осман Чамагәуа (Аҷандара), Нестор Касланӡиа (ААУ), Ҭемыр Гәыниа (Аҟәа), Данил Џьениа (Аҷандара-2).

Акомандақәа ахраҿақәа, амедалқәа, иара убас аԥаратә ҳамҭақәа ранашьахеит.

Аицлабрақәа реиҿкаара рхахьы иргеит Аԥсны аҿари аспорти рзы аҳәынҭқарратә Еилакы, анапылампыл азы Аԥсны Афедерациа.