Items filtered by date: Аԥшьаша, 07 Ԥхынҷкәын 2023

Аҟәа. Ԥхынҷкәынмза 7, 2023 шықәса. Аԥсныпресс. Ԥхынҷкәынмза  5-6 рзы Женева имҩаԥысит Кавказнҭыҵ ашәарҭадареи аҭышәынтәалареи рзы Жәларбжьаратәи Женеватәи аиҿцәажәарақәа 59-тәи рраунд. Аиҿцәажәарақәа ирылахәын Аԥсны, Қырҭтәыла, Аахыҵ Уаԥстәыла, Урыстәыла, Еиду аштатқәа рхаҭарнакцәеи Еиду Амилаҭқәа Реиҿкаара, Европа Ашәарҭадареи Аусеицуреи рзы Аиҿкаара, Европатәи атәылақәа Реидгыла рҟынтәи ацхантәаҩцәеи. Урыстәылатәи аделегациа напхгара аиҭон Урыстәыла адәныҟатәи аусқәа рминистр ихаҭыԥуаҩ  Михаил Галузин.

Урыстәылатәи Афедерациа адәныҟатәи аусқәа Рминистрра аофициалтә саит аҿы иҟоу адыррақәа рыла, «Кавказнҭыҵ ашәарҭадареи аҭышәынтәалареи рзы Жәларбжьаратәи Женеватәи аиҿцәажәарақәа рлахәылацәа аформат аиқәырхара аинтерес шрымоу азгәарҭеит еиуеиԥшым азҵаарақәа рзы адиалог амҩаԥгаразы. Урыстәылатәи аган инаҵшьны иазгәанаҭеит Қарҭи Аҟәеи, Қарҭи Цхинвали реинырра ишацҵалатәу. Уи ахықәкы хаданы ишьоуп Қырҭтәыла Аԥсни Аахыҵ Уаԥстәылеи рганахьала амч ахамырхәаразы аиқәшаҳаҭра адкылара алзыршо ашәҟәы аус адулара, иара убасгьы аԥсны-қырҭтәылатәии аахыҵуаԥстәыла-қырҭтәылатәии аҳәаақәа рҿы аделимитациа апроцесс аусура аларгара.

Аҟәеи Цхинвали ршәарҭадара ԥхьаҟатәи арӷәӷәара хымԥада иахьаҭаху зыдҳәалоу арегион аҿы НАТО амчрақәа активла рхымҩаԥгашьеи Қырҭтәыла алианс бџьарла иахьеибынаҭои ауп», - ҳәа аҳәоит Урыстәыла адәныҟаполитикатә усбарҭа адырраҿы.

Аилацәажәарақәа рлахәылацәа ргәаанагарала, Аԥсни Қырҭтәылеи, Қырҭтәылеи Аахыҵ Уаԥстәылеи рыбжьара  аҳәаа иаԥну араионқәа рҿы хҭысқәак азгәоумҭозар, иааидкыланы аҭагылазаашьа  ҭышәынтәалоуп ҳәа уҳәаратәы иҟоуп. Убри аан гәахәарыла иазгәаҭан абонентә еимадара апунктқәа – «еиԥырҟьам аимадара ацәаҳәақәа», иара убас ақырҭуа-аахыҵуаԥстәылатәи аҳәаа иахьаҵанакуа, аиланхарҭатә ҭыԥ Ергнети аҿы аидысларақәа разԥхьагәаҭареи раԥырҟәҟәаареи рзы амеханизми (МПРИ) русура.

Аҟәа. Ԥхынҷкәынмза 7, 2023 шықәса. Аԥсныпресс. Ԥхынҷкәын 5-6 рзы Женева имҩаԥысит Аахыҵ Кавказ ашәарҭадареи аҭышәынтәалареи рзы Жәларбжьаратәи Женеватәи аиҿцәажәарақәа 59-тәи рраунд. Аиҿцәажәарақәа ирылахәын Аԥсны, Қырҭтәыла, Аахыҵ Уаԥстәыла, Урыстәыла, Еиду аштатқәа рхаҭарнакцәеи ЕАР, ЕЕАЕ, ЕЕ рҟынтәи ацхантәаҩцәа алархәны.

Аԥснытәи аделегациа напхгара аиҭон Адәныҟатәи аусқәа рминистр ихаҭыԥуаҩ Иракли Ҭыжәба. Аделегациа иалахәын: АдәАР Аконсултә департамент аиҳабы Лаша Аҩӡба, Мрагылара ааигәеи Африкеи рдепартамент аиҳабы Артур Гагулиа, Аԥсны АшәМ ахантәаҩ ихаҭыԥуаҩ Заал Хәарцкьиа, Жәлар Реизара – Апарламент аиҳабы ихаҭыԥуаҩ Асҭамур Аршба, адепутат Баҭал Џьопуа.

Аахыҵ Кавказ ашәарҭадареи аҭышәынтәалареи рзы Жәларбжьаратәи Женеватәи аиҿцәажәарақәа рлахәылацәа аформат аиқәырхара аинтерес шрымоу азгәарҭеит еиуеиԥшым азҵаарақәа рзы адиалог амҩаԥгаразы.

Аҟәа. Ԥхынҷкәынмза 7, 2023 шықәса. Аԥсныпресс. Ҳазҭоу ашықәс 11 мзы ирылагӡаны Аԥсныҟа иааит 12 526 аидарамҩангагатә вагоеиԥшьыра, иааз аидарақәа рзеиԥш капан  - 839 239 тонна рҟынӡа инаӡоит, ҳәа адырра ҟанаҵоит АУН «Аԥсны Аихамҩа» апресс-маҵзура.

Зегьы иреиҳау арбагақәа шьақәыргылан жәабранмзазы - 1641 вагон (111 819 тонна аидара).

2022 шықәса аиԥш-зеиԥшу аамҭахәҭа азы арҭ арбагақәа еиҵан  – 10 680 вагон (712 817 тонна аидара).

Арбагақәа рышьҭыхра аиҳарак изыдҳәалоу АУН «Аԥсны Аихамҩа» имҩаԥнагаз акомплекстә усурақәа роуп – аихамҩатә вокзалқәа, адкылара-дәықәҵаратә ҭыԥқеи аимадаратә ҳақәеи реиҭашьақәыргылара, иара убас иҿыцу алокомотивқәа раахәара.  

Сухум. 7 декабря 2023. Апсныпресс. За 11 месяцев текущего года в Абхазию прибыло 12 526 грузовых составов, общее количество груза - 839 239 тонн, сообщает пресс-служба АЖД.

Самые высокие показатели были зафиксированы в феврале - 1641 вагон (111 819 тонн груза).

Аҟәа. Ԥхынҷкынмза 7, 2023 шықәса. Аԥсныпресс. Бзыԥтәи ацҳа аҿы иҟалаз амҩатә машәыр иахҟьаны аӡәы дҭахеит.

Ашьыжь, асааҭ хәба инарзынаԥшуа, Гәдоуҭа араион, Бзыԥтәи ацҳа аҿы амҩатә машәыр ҟалеит.

«Ҩ-машьынак ааихеит - Toyota Alphard-и Volkswagen-и.  Альфард аԥсҟы зкыз ицәаҳәа даныҵны Volkswagen иақәтәаз диҿалеит, имашьына изнымкылакәа  иааиуаз амашьына дасит», - ҳәа Аԥсныпресс ахь адырра ҟаиҵеит Аҳәынҭқарратә автоинспекциа аиҳабы Асҭамыр Ҭаниа.