Items filtered by date: Ашәахьа, 19 Цәыббра 2022
АҲӘЫНҬҚАРРА АХАДА АԤСНЫ ИҞОУ УРЫСТӘЫЛАТӘИ АФЕДЕРАЦИА АХӘААХӘҬРАТӘ ХАҬАРНАК ДИДИКЫЛЕИТ.
Аҟәа. Цәыббрамза 19, 2022шықәса. Аԥсныпресс. Аԥсны Аҳәынҭқарра Ахада Аслан Бжьаниа Аԥсны Аҳәынҭқарраҟны иҟоу Урыстәылатәи Афедерациа ахәаахәҭратә хаҭарнак Залина Кобесова дидикылеит.
Ҳазҭоу ашықәс цәыббрамза 1 азы змаҵура анагӡара иалагаз Залина Кобесова аԥсшәа лаҳәо, аҳәынҭқарра Ахада иҳәеит лыҵшәа змоу аусура дшазыԥшу.
«Агәра згоит аекономикатә хырхарҭақәа рыла ҳусеицура акырӡа ишеиӷьхо. Ҳаизыҟазаашьақәа рырҿиараҿы адгылара ҟаҳҵалоит», - иаҵшьны иҳәеит Аслан Бжьаниа.
АԤСНЫ АҲӘЫНҬҚАРРА АГӘАБЗИАРАХЬЧАРА АМИНИСТР ЕДУАРД БЫҬӘБА УРЫСТӘЫЛАТӘИ АФЕДЕРАЦИА АМАШӘЫРЦӘГЬАҚӘА РМЕДИЦИНА АЗЫ АФЕДЕРАЛТӘ ЦЕНТР АДИРЕКТОР АКТӘИ ИХАҬЫԤУАҨ АНАТОЛИ ГУЛИН ДИԤЫЛЕИТ.
Аҟәа. Цәыббрамза 19, 2022 шықәса. Аԥсныпресс. Аԥсны Аҳәынҭқарра агәабзиарахьчара аминистр Едуард Быҭәба Москваҟа иусуратә ҭаара аҳәаақәа ирҭагӡаны, Урыстәылатәи Афедерациа агәабзиарахьчара Аминистрра амашәырцәгьақәа рмедицина азы афедералтә Центр адиректор актәи ихаҭыԥуаҩ Анатоли Гулин диԥылеит, ҳәа иаанацҳауеит Аԥсны агәабзиарахьчара Аминистрра апресс-маҵзура. Едуард Быҭәбеи Анатоли Гулини азҵаарақәа жәпакы ирылацәажәеит:
- аԥсабаратә цәырҵрақәа ирыдҳәалоуи атехногентә ҟазшьа змоуи аҭагылазаашьа ҷыдақәа раан амедика-санитартә хҟьаԥҟьақәа рықәгара;
АҲӘЫНҬҚАРРАТӘ ДУМА АХЬ АШЬАҚӘЫРӶӘӶӘАРАЗЫ ИНАГОУП АԤСНЫ АЕКСПОРТТӘ КРЕДИТ АҬАРА АЗЫ АИҚӘШАҲАҬРА. АБХ.
Аҟәа. Цәыббрамза 19, 2022 шықәса. Аԥсныпресс. Атәыла Анапхгара Аҳәынҭқарратә Дума ахь аратификациа азура азы инарышьҭит Урыстәылатәи Афедерациеи Аԥсны Аҳәынҭқарреи рыбжьара Аԥсны аекспорттә кредит азоужьра азы аиқәшаҳаҭра аиҭакрақәа ралагалара азы аԥкаанҵа, ҳәа адырра ҟанаҵоит аинфомациатә Маҵзура ТАСС. Аусшәҟәы апарламент аладатәи апалата адыррақәа релектронтә база аҿы икьыԥхьхеит.
ГӘЫДИСА АГРБА АҨНЫТӘ БААНДАҨТӘРА АХЬ ДОУШЬҬУП. АБХ.
Аҟәа. Цәыббрамза 19, 2022 шықәса. Аԥсныпресс. Аԥсны акультура ԥыхьатәи аминистр Гәыдиса Агрба абҵарамза 16, 2022 шықәсанӡа аҩнытә баандаҩтәра ахь доушьҭуп. Ари аҩыза аӡбамҭа рыдыркылеит Аҟәатәи ақалақьтә ӡбарҭа аҟны.
Цәыббрамза 12, 2022 шықәса рзы Аԥсны Апрокуратура Хада аусеилыргаратә усбарҭа аусеилыргаратә ҟәша аусеилыргаҩ еиҳабы Ҭаркьыл А.Б. иҟынтәи Аҟәатәи ақалақьтә ӡбарҭа ахь инашьҭын акультура ԥыхьатәи аминистр Гәыдиса Агрба иганахьала ҭакрала ахьырхәра ацҵара азы аҳәара.