Аҟәа. Цәыббрамза 19, 2022 шықәса. Аԥсныпресс. Аԥсны Аҳәынҭқарра агәабзиарахьчара аминистр Едуард Быҭәба Москваҟа иусуратә ҭаара аҳәаақәа ирҭагӡаны, Урыстәылатәи Афедерациа агәабзиарахьчара Аминистрра амашәырцәгьақәа рмедицина азы афедералтә Центр адиректор актәи ихаҭыԥуаҩ Анатоли Гулин диԥылеит, ҳәа иаанацҳауеит Аԥсны агәабзиарахьчара Аминистрра апресс-маҵзура. Едуард Быҭәбеи Анатоли Гулини азҵаарақәа жәпакы ирылацәажәеит:
- аԥсабаратә цәырҵрақәа ирыдҳәалоуи атехногентә ҟазшьа змоуи аҭагылазаашьа ҷыдақәа раан амедика-санитартә хҟьаԥҟьақәа рықәгара;
- Урыстәылатәи Афедерациа зыҩаӡара ҳараку амедицинатә еиҿкаарақәа иԥхьагылоу аспециалистцәа ааха зауз рзы аамҭа кьаҿ иалагӡаны ателемедицинатә консультациақәа рымҩаԥгара;
- амедицинатә евакуациа амедицинатә цхыраара еиҳау аҩаӡара ахь анагара;
- Аԥсны амашәырцәгьақәа рмедицина Амаҵзура аҿиара аперспективақәа.
