Items filtered by date: Аԥшьаша, 19 Рашәара 2025

Аҟәа. Рашәарамза 19, 2025 шықәса. Аԥсныпресс.  Урыстәылатәи Афедерациа акультура аминистр ихаҭыԥуаҩ  Андреи Малышев Аԥсны акультура аминистр Даур Ақаҩба диԥылеит.

Урыстәылатәи Афедерациа акультура Аминистрра а-Телеграм-канал иҟанаҵо адыррақәа рыла, аиԥылараҿы анагӡаратә ҟазара аганахьала аусеицура аҿиара азҵаарақәа ирылацәажәеит. Иара убас, аганқәа ирылацәажәеит аҟазара аганахьала аусеицура аҿиареи агастрольтә усмҩаԥгатәқәеи ирызкыз азҵаарақәа. Иалацәажәеит Аԥснытәи атеатрқәа Урыстәылазегьтәи агастрол-концерттә план аҳәаанырцәтәи апрограмма  «Агастроль дуқәа» ралахәхара азҵаара.

Аҟәа. Рашәарамза 19, 2025 шықәса. Аԥсныпресс. Иахьа, рашәарамза 19 рзы, Петербургтәи жәларбжьаратәи аекономикатә Форум аҳәаақәа ирҭагӡаны Санкт-Петербург агубернатор Алеқсандр Беглови Ареспубликиа Аԥсны Ахада Бадра Гунбеи реиԥылара мҩаԥысит. Ирылацәажәеит аперспектива злоу аусеицура ахырхарҭақәеи еицынарыгӡараны иҟоу апроектқәеи, ҳәа адырра ҟанаҵоит Санкт-Петербург Анапхгара аинформациа аусбарҭа.  

Аҟәа. Рашәарамза 19, 2025 шықәса. Аԥсныпресс. Аҿари аспорти русқәа рзы аҳәынҭқарратә Еилакы аҿы иналукааша аспортсмен, адунеи ачемпион, адунеи Ахраҿа занашьоу,  абырзен-аурымтә қәԥара азы жәларбжьаратәи акласс змоу аспорт азҟаза Сергеи Поперечныи иԥылара мҩаԥысит.

Аиԥылара аартуа, Аҳәынҭеилакы ахантәаҩы ихаҭыԥуаҩ Беслан Карҷаа асас диԥыло уи имҩаԥигаз аҟазара-акласс азы иҭабуп ҳәа еиҳәеит. Уи иара убас аԥснытәи аиқәԥаҩцәа реихьӡарақәеи Сергеи Поперечныи иарбоу аспорт хкы Аԥсны аҿиаразы илагалеи ртәы азгәеиҭеит.

Аҟәа. Рашәарамза 19, 2025 шықәса. Аԥсныпресс. Ԥхынгәымза 31 рзы Аҟәа ақалақь аҿы имҩаԥысуеит Урыстәылатәи Афедерациа акультура Аминистрра, Аԥсны Аҳәынҭқарра Анапхгара, акультуратә аԥшьгарақәа рзы Урыстәылатәи Афедерациа Ахада Ифонди апартниор хада - «Альфа-Банк» иҟарҵаз адгыларала имҩԥысуа XXIII Амузыкатә фестиваль «Хьыбла Герзмаа шәаалыԥхьоит…» аартра иадҳәалоу аныҳәатә церемониа.  2025 шықәсазы афестиваль мҩаԥыслоит ԥхынгәымза инаркны ԥхынҷкәынмза аҟынӡа. Зынӡа иазԥхьагәаҭоуп Аԥсны, Урыстәылеи аҳәаанырцәтәи атәылақәеи рҿы имҩаԥгахо 20 инареиҳаны аконцертқәа.

Аҟәа. Рашәарамза 19, 2025 шықәса. Аԥсныпресс. Аԥсны Курчатов ихьӡ зху аробототехника азы аицлабра «Атомтә код» алахәхаразы арзаҳалқәа рыдкылара иалагеит. Аицлабра  мҩаԥгахоит Обнинск ақалақь аҟны рашәара 27 инаркны ԥхынгәы 4 рҟынӡа.  Абри атәы иҳәеит акультура аминистр Даур Ақаҩба.

«Атомтә код» - ари ахәыҷқәеи аҿари рдырратә зҿлымҳарақәа рыҿиареи анџьныртә занааҭқәа рыларҵәареи иазку аҵаратә проектуп. Уи рхы аладырхәыр рылшоит 12 шықәса инаркны 17 шықәса рҟынӡа зхыҵуа ақәыԥшцәа.

Аҟәа. Рашәарамза 19, 2025 шықәса. Аԥсныпресс. ААУ имҩаԥысит Ашколхәыҷқәа ролимпиада «Аҳаракырақәа рахь амҩа - 2025» аҿы аиааирақәеи аԥхьахәқәеи згаз аҳамҭақәа ранашьара ацеремониа, ҳәа адырра ҟанаҵоит ауниверситет а-Телеграм-канал.

Аолимпиада аихшьаалақәа рыла 26-ҩык аиааира ргеит,  15-ҩык ашколхәыҷқәа – араӡнытә аԥхьахәқәа ргеит, 12-ҩык –  араӡнытә аԥхьахәқәа.

Аҟәа. Рашәарамза 19, 2025 шықәса. Аԥсныпресс.   Гәдоуҭатәи араионтә хәшәтәырҭа хадаҿы имҩаԥгаз аиҭашьақәыргыларатә усурақәа рышьҭахь акомпиутертә томограф аусура иалагеит ҳәа аанацҳауеит Аԥсны Агәабзиарахьчара Аминистрра.

Аппарат Акоронавирустә ҿкы чымазара COVID-19 апандемиа аамҭазы уи иамаз аидара хьанҭа иахҟьаны иԥхасҭахеит.  Амаруга шықәсыки бжаки раахыс аус ауӡомызт — уи арентген-мҩангага ԥхасҭахеит.

Аҳәынҭқарра Ахада Бадра Гәынба иҟаиҵаз адҵала атомограф аиҭашьақәырыгылареи уи иԥхасҭахаз ахәҭа аахәареи рзы ареспубликатә биуџьет аҟынтәи 11 миллион мааҭ азоужьын.

Сухум. 19 июня 2025. Апсныпресс. В гудаутской Центральной районной больнице отремонтировали и ввели в эксплуатацию компьютерный томограф. 

Аҟәа. Рашәарамза 19, 2025 шықәса. Аԥсныпресс.  Рашәарамза  20 – 21 рзы Ф.А.Искандер ихьӡ зху Аҳәынҭқарратә аурыс драматә театр аҿы Агата Кристи еицырдыруа лдетективтә пиеса ала урыстәылатәи арежиссиор Андреи Сидельников иқәиргылаз аспектакль «Аҳәынаԥшьыга» («Мышеловка»)аԥхьарбара аиаанӡатәи ахәаԥшра мҩаԥысуеит.  

Аҟәа. Рашәарамза 19, 2025 шықәса. Аԥсныпресс. Аԥсны Ашәарҭадаратә хеилак аилазаара ҿыц шьақәырӷәӷәоуп. Рашәара 16 рзы уи азы Аусԥҟа инапы аҵаиҩит аҳәынҭқарра ахада Бадра Гәынба.