Items filtered by date: Аԥшьаша, 06 Жәабран 2025

Сухум. 6 февраля 2025. Апсныпресс. Премьера спектакля «Земляника» в постановке Дениса Хусниярова по рассказу Джумы Ахуба состоится 8 февраля. Спектакль стал победителем конкурса режиссерской лаборатории «Сандро». 

Аҟәа. Жәабранмза 6, 2025 шықәса. Аԥсныпресс. Џьума Аҳәба иажәабжь ала Денис Хусниаров иқәиргылаз аспектакль «Аҵыҵындра» аԥхьарбара мҩаԥысуеит жәабранмза 8 рзы. Аспектакль арежиссиортә лабораториа  аконкурс «Сандро» аҿы аиааира агеит.

Аҟәа. Жәабранмза 6, 2025 шықәса. Аԥсныпресс. Урыстәылатәи Афедерациа аԥыза-министр ихаҭыԥуаҩ Александр Новак Бадра Гәынба диԥыло, Аԥсны иалагалаз алашара арцәара аамҭеихша аԥыхразы Урыстәыла Аԥсны афымцамчла аиқәыршәара ахацыркра иазхиоуп ҳәа иазгәеиҭеит.

«Уаҵәы инаркны Аԥсны иалагалаз алашара арцәара аамҭеихша аԥыхразы Урыстәыла аганахьала Аԥсны афымцамчла аиқәыршәара ахацыркразы иҳалшо зегьы аҟаҵара ҳалагоит.  Аԥсны ауааԥсыреи асоциал-економикатә усхкқәа ирыҵанакуа аобиектқәеи уаанӡа иҟаҵаз аҳәарала Урысттәыла Аԥсныҟа идәықәнаҵо афымцамч ахыхь инацҵаны афымцамч роуроуп. Адгылара аҳасабала ҳара иахәҭоу аӡбамҭақәа рыдкылара ҳазхиоуп», - ҳәа иҳәеит Александр Новак.

Аҟәа. Жәабранмза 6, 2025 шықәса. Аԥсныпресс. Бадра Гәынба Урыстәыла аԥыза-министр ихаҭыԥуаҩ Алеқсандр Новак диԥылеит. Урыстәыла аҩ-тәылак рыбжьара аинвестициатә еиқәшаҳаҭра уажәы ишыҟоу анагӡара шалымшо азы Аԥсны иқәнаргыло азԥхьанҵақәа иақәшаҳаҭуп, ҳәа аԥсуа политик диҿцәажәо аҳәамҭа ҟаиҵеит Урыстәыла аԥыза-министр ихаҭыԥуаҩ   Алеқсандр Новак.  

«Ҳара уи ахәаԥшра ҳазыхынхәуеит, жәаҳәарада, уи еиҟараны аҩ-ганк – аҩ-ҳәынҭқаррак руааԥсыреи абизнеси ринтересқәа аныԥшуазар ахәҭоуп,», — ҳәа иазгәеиҭеит иара.