«Хыхь иарбоу инамаданы, иазгәоумҭар залшом уи хыԥхьаӡара рацәала есышықәса ареспублика акурортқәа ирҭаауа аҳәаанырцәтәи асасцәа ашәарҭара ишҭанаргыло. Уи азы ҳара ҳџьынџьуаа ргәырҽанаҳамҵар ҟалом», – ҳәа иазгәаҭоуп Урыстәылатәи Афедерациа адәныҟатәи аусқәа Рминистрра иҟанаҵаз аҳәамҭа аҿы.
Жәабранмза 4, 2021 шықәсазы Аҟәатәи ақалақьтә ӡбарҭа, Абыхәба Едгар, 1999 шықәса рзы ииз Урыстәылатәи Афедерациа атәылауаҩԥҳәыс лцәаԥҽра, хәымгарала лызныҟәара, лмазара лыцәӷьычра, иара убас ӷәӷәала лыԥҟара азы ахара идҵаны ахьырхәра аҳасабала зрежим ӷәӷәоу аколониа аҿы жәы-шықәса ҭакрала ахгара, иара убас 10 000 мааҭ ахараԥса аршәареи ааха зауз аган 1 млн. 148 нызықь 800 мааҭ рызшәареи иқәҵан.
