Аҟәа. Жәабранмза 17, 2024 шықәса. Аԥсныпресс. Гагратәи ареспубликатә хәышәтәырҭа Хада аҳақьымцәа жәабранмза 16 рзы бааԥсыла акы рԥырхагаханы ахәышәтәырҭа ареанимациатә ҟәша ахь инагаз ԥшьҩык ҭырқәтәылатәи аԥсыӡкыҩцәа ргәабзиара аҭагылазаашьа аҭышәныртәалара рылшеит, ҳәа адырра ҟанаҵоит атәыла агәабзиарахьчара Аминистрра апресс-маҵзура.
Ачымазцәа зегьы арԥҳақәа рыҩныҵҟа иԥсабаратәым ааҳауеиҭныԥсахлара аппаратқәа рҟынтәи иаҿыхуп. Хҩык ачымазцәа ргәабзиара аҳақьымцәа иӷәӷәоу иҭышәантәалау ҳәа ирыԥхьаӡоит, урҭ макьана ареанимациаҟны ишьҭазаауеит. Ачымазцәа руаӡәк деиӷьхан ахәышәтәырҭа атерапиатә ҟәша апалатахь дыиаргеит.
