Атурнир аихшьаалақәа рыла 9-шықәса зхымҵӡац аспортсменцәа рыбжьара актәи аҭыԥқәа ааныркылеит Даниель Бганба (ақ. Аҟәа),  Амира Агрба (ақ.Гәдоуҭа), аҩбатәи аҭыԥқәа - Карен Мумџьиан (ақ.Аҟәа), Нила Бганба (ақ.Гагра), ахԥатәи аҭыԥқәа ааныркылеит Давид Тҟьебучаа (ақ. Аҟәа), Амели Џьениа (ақ.Аҟәа).

7-шықәса зхымҵӡац рыбжьара аиааира ргеит   Еснаҭ Агрба  (ақ.Аҟәа), Алеқсандра Гәыргәылиа (ақ.Аҟәа), аҩбатәи аҭыԥқәа ааныркылеит Димир Хуснутдинов (ақ.Аҟәа), Алиса Осипова (ақ.Гагра), ахԥатәи аҭыԥқәа ааныркылеит - Алан Аҩӡба (ақ.Гәдоуҭа), Ангелина Елбакиан (ақ.Гагра).

Акемпинг «Тамыш-Village» аколлектив аицлабрақәа рымҩаԥгаразы акыр иманшәалоу аҭагылазаашьақәа аԥнаҵеит.

«Иҭбааҭыцәу, иԥхоу азалқәа рырҭеит. Ахәыҷқәеи урҭ рҭаацәеи акыр иманшәалоу аҭагылазаашьақәа рзаԥҵоуп», - ҳәа иҳәеит Аԥсны ашахматқәа Рфедерациа апрезидент Константин Ҭыжәба.

Аԥхьахәқәа згаз зегьы ахраҿақәа, амедалқәа, асувенирқәа, аҳаҭыртә шәҟәқәа, иара убас аԥаратә ҳамҭақәа ранашьахеит.