Шәыԥсҭазаара ззышәкыз Анцәа имаҵзура адоуҳамчи ахамеигӡареи аҭахуп. Шәара ауаа рганахьала иҟашәҵо азҿлымҳареи, арыцҳашьареи, еихсыӷьра змам шәныҳәаԥхьыӡқәеи рыла шәнапы иану аус азыҟазаашьеи ажәлар рахь ишәымоу абзиабареи рзы ҿырԥшыганы бзианы шәыҟан есқьынгьы. Аԥсны Аиашахаҵаратә Ныха арӷәӷәареи ирызку Шәара шәылшамҭақәа аҳаҭырқәҵара дуӡӡа шәаԥсаны шәҟарҵеит».
Аслан Бжьаниа Аԥсны Аиашахаҵаратә Ныха Ахеилак Ахантәаҩы Аԥшьаҩы еиҳабы Бассариан Аԥлиаа абри амш аҽны ашықәс рацәа, аизҳазыӷьара, инапы иану аус ду аҟны Анцәа илԥхеи игәыԥхеи изеиӷьаишьеит.
