«Амедиаресурсқәа русеицура –  ари аекономикатә, ауаажәларра-политикатә, аҵарадырратә, уҳәа ареспублика  аусхкқәа рҿы имҩаԥысуа ахҭысқәа рзы аԥхьаҩцәа ҳаамҭазтәи асахьа  рыдгалара, иара убас, уи атәыла ауникалреи  акультуратә ҷыдарақәеи атрадициақәеи рзы аудиториа адыррақәа рырҭбааразы алшара шьахәны иҟоуп», – ҳәа иҳәеит Сергеи Деменски. 

 Амедиагуԥқәа русеицура ашьақәыргылара аҿы адгылара ҟаиҵеит Евразиатәи аекономикатә комиссиа аус ацура азы Аԥсны адәныҟатәи аусқәа Рминистрра аҷыдалкаатә хаҭарнак Вахтанг Ԥиԥиа.

Акционертә Еилазаара «Евразийская медиа группа» аԥҵан 2001 шықәсазы. Уи аилазаараҿы иҟоуп аинформациа-аналитикатә портал «Евразия сегодня», иара убас аинтернет-ҭыжьымҭа «За рубежом». Иара аиҳарак аусура ахырхарҭа хаданы иҟоуп аекономика, анаука, аҟазара, акультура, аспорт, уҳәа аусхкқәа рҿы акыр зҵазкуа жәларбжьаратәи ахҭысқәеи  Азиа-Аокеанҭынчтәи аекономикатә усеицура (АТЭС), Алада-Мрагыларатә Азиа  аҳәынҭқаррақәа Рассоциациа (СЕАН), жә-ҳәынҭқаррак реидгыла жәларбжьаратәи аиҿкаара (БРИКС) Шанхаитәи аусеицуратә еиҿкаара (ШОС), Евразиатәи аекономикатә Еидгыла (ЕАЭС) иалоу атәылақәа рҿы имҩаԥысуа аҳәынҭқаррабжьаратәи аинтеграциа иадҳәалоу актуалра злоу апроцессқәеи рзы ажәабжьқәа рыҟаҵара.