Аҟәа. Жәабранмза 14, 2024 шықәса. Аԥсныпресс. Аҟәатәи ақалақьтә ӡбарҭа Азербаиџьан атәылауаҩ Логман Алиев иганахьала Аԥсны Ашьаустә Закәанеидкыла ахәҭаҷ 223 ахәҭа 3 апункт «в» иазԥхьагәанаҭо ацәгьоура азы ихацыркыз ашьаусеилыргара иахаԥшит.
Заанаҵтәи аусеилыргара ишышьақәнаргылаз ала, уи азы идырым хаҿыки иареи заанаҵтәи реиҿцәажәарала Аԥсны аҵакыраҿы «метадон» ҳәа изышьҭоу анаркотикатә маҭәашьар амаӡа-ҭыԥқәа рҿы аҭиразы ишьҭаиҵон. Логман Алиев иаанкылараан идырбалеит иагьимырхит ззеиԥш капан 196,486 грамм рҟынӡа инаӡоз анаркотикатә маҭәашьар – метадон. Уи хыԥхьаӡара рацәала анаркотикқәа алаирҵәон ҳәа ауп иаанаго.
Жабранамза 14 рзы Аҟәатәи ақалақьтә ӡбарҭа Логман Алиев хыԥхьаӡара рацәала анаркотикқәа алаирҵәон ҳәа ахара идҵаны ахьырхәра аҳасабала ирӷәӷәоу арежим змоу ариашаратә колониа аҿы 15 шықәса ҭакрала ахгара иқәҵараз азыӡба аднакылеит.
Азербаиџьан атәылауаҩ иара убасгьы аҳәынҭқарра ахашәалахәы ахь ишәароуп 800 нызқь мааҭ ахараԥса.
