Атәылахьчара аминистр ихаҭыԥуаҩ Давид Бжьаниа Олег Бебиа иуацәеи иҭынхацәеи дрыдышшылеит.
«Ари ҳастратегиатә партниорны иҟоу Урыстәылеи ҳареи иаҳзеиԥшу гәырҩоуп, иаҳзеиԥшу фырхаҵароуп. Ҳара ҳҿы аибашьра анцоз, аӡәырҩы Урыстәыла анацәа рыҷкәынцәа Аԥсны ахақәиҭреи ахьыԥшымреи рхы ақәырҵеит. Ҳара ҳаицхырааны аибашьра лыԥхала ҳалҵит. Сара ибзианы еилыскаауеит уажәы афырхаҵа иан Лианы Бебиа лгәы шыҟоу, уи слыдышшылоит, илааӡаз афырхаҵа изы иҭабуп ҳәа ласҳәоит, лаԥхьагьы схырхәоит», – ҳәа иҳәеит Давид Бжьаниа.
«Ахәра шиоузгьы, Олег Бебиа гәымшәарыла ирратә уалԥшьа наигӡон. Ауаҩы шәы-шықәса ниҵаны ихьӡ зларҳәаша акагьы аанмыжьӡакәа дымҩасыр ауеит, аха убри аан даҽаӡәы дықәрахьымӡаны ифырхаҵарала иуаажәлари иԥсадгьыли ргәалашәараҿы наунагӡа даанхоит»,- ҳәа илҳәеит Ауаажәларратә Палата амаӡаныҟәгаҩ Гәыли Кьычба.
Цәыббрамза, 2022 шықәсазы Олег Бебиа амобилизациа аҳасабала Иҷыдоу Арратә Операциа ахь ддәықәҵахеит, иара ихьӡҷыданы иман «Сокол». Олег Бебиа лаҵарамза 10, 2023 шықәса рзы ахәра зауз аибашьцәа аибашьрадәы ралгараан дҭахеит. Урыстәылатәи Афедерациа атәылахьчара аминистр Идҵа ала иара УА атәылахьчара Аминистрра амедал ианашьахеит.
Олег Бебиа ԥсрашьҭахь Афырхаҵара аордени Гьаргь Ацқьа иџьар I аҩаӡареи ианашьан.
