Харитон Агрба актәи араунд инаркны аԥыжәара иман, уи илахь шшьазгьы, аиааира имгакәа даанымгылеит.
Ваге Саруханиангьы илахь шьеит, ибла акит. Убри иахҟьаны иара аабатәи араунд ашьҭахь аиндаҭлара ацҵара мап ацәикит.
Аиндаҭлара ашьҭахь Харитон Агрба ицәаныррақәа ртәы еиҭеиҳәеит: «Абокс аԥсы ҭоуп, дарбанызаалак абоксиор аринг ахь данцәырҵуа агәра игоит хымԥада аиааира агара шилшо. Аринг ахь уанцәырҵуа еилукаауазар ауп уи еиуеиԥшым ахҟьаԥҟьақәа, ахәахәарақәа, уҳәа ацзар шалшо. Ҳара аринг ахь ҳазцәырҵуа ари аспорт хкы аҿы иреиӷьу иаарԥшра, ишьақәыӷәӷәара азы ауп. Иахьа сара аиааира агара сылшеит. Аинахысгьы сҽазысшәоит убасҵәҟьа ақәҿиарақәеи аихьӡарақәеи раарԥшра», - ҳәа иҳәеит Харитон Агрба.
