Аҟәа. Ажьырныҳәамза 17, 2024 шықәса. Аԥсныпресс. Ажьырныҳәамза 1, 2024 шықәса инаркны азинмчы аиуит аникотин злоу аалыҵқәеи аҭаҭын аалыҵ ҭзыжьуа ахәаахәҭратә маркақәеи рӡыргара алзмыршо азакәан.
Ԥхынҷкәынмза 2023 шықәсазы Апарламент аӡыргара азы азакәан аиҭакрақәа аланагалеит.
«Аӡырга азы» азакәан ахәҭаҷ 16 , ахәҭа 2.1 аҿы иаҳәоит: «Аҭаҭын, аникотин злоу аалыҵқәа, ахагатә хархәагақәа, аҭаҭынжәгақәеи ацигаркьаади амцаркыгақәеи аникотин злоу аалыҵ ахархәаразы аиқәыршәагақәеи уахь иналаҵаны, иара убас аҭаҭынтәи аникотин злоу аалыҵи ҭзыжьуа ахәҳаахәҭратә маркақәа рӡыргаразы азин ыҟаӡам. Азин ыҟам аҭаҭын аалыҵи аникотин злоу аалыҵи аҭаҭынахаратә маругақәеи, аҭаҭынжәгақәа, ацигареҭқьаад, амцаркыгақәа, акалианқәа, уҳәа уахь иналаҵаны рӡыргара».
Иара убас иарбоу азакәанԥҵара аилагара азы асанкциақәа рӷәӷәоуп.
Аԥсны Админитративтә Зинеилагарақәа Рзакәанеидкыла ахәҭаҷ 1651 инақәыршәаны, аӡыргаҭаҩы, аӡыргамҩаԥгаҩ, мамзаргьы аӡырга аларҵәаҩ ила аӡырга азы азакәанԥҵара аилагаразы административтә хараԥса аршәара азԥхьагәаҭоуп.
Убас:
– атәылауаа рзы – 100 инаркны 200 рҟынӡа ауалафахәы иреиҵаӡоу ахышәаҵышәа;
– амаҵурауаа рзы – 200 инаркны 300 рҟынӡа ауалафахәы иреиҵаӡоу ахышәаҵышәа;
– аиуристтә хаҿқәа рзы — 300 инаркны 400 рҟынӡа ауалафахәы иреиҵаӡоу ахышәаҵышәа.
Аҟәа ақалақь Ахадара аӡырга азы азакәан аилагара азы аматериалқәа зегьы Аҟәа ақалақь Апрокуратура ахь ишдәықәҵахо, иара убас аӡыргатә шьақәгылагақәа шықәгахо азы ауааԥсыра ргәырҽанырҵоит. Прочитано 167 раз. Последнее изменение 17.01.2024.
Источник: https://www.apsnypress.info/ru/home/novosti/item/9443-v-abkhazii-zapreshchena-reklama-nikotinosoderzhashchej-produktsii.
© АПСНЫПРЕСС.
