Аиԥылара аихшьаалақәа рыла, аԥыза-министр Анапхгара ахь уаанӡа ирыдыркылахьаз аӡбамҭақәа рыӡбара аганахьала аусура ахыркәшареи ареспублика Ахада иҿы ааигәа имҩаԥысраны иҟоу аилатәара азы инҭкаау азҵаарақәа реиқәыршәареи рзы анапынҵақәа ҟаиҵеит.
17.Ажьырныҳәа.2024
Аминистрцәа Реилазаара аилатәара аҿы Аҳәынҭқарра Ахада инапынҵақәа рынагӡара иалацәажәеит.
Аҟәа. Ажьырныҳәамза 17, 2024 шықәса. Аԥсныпресс. Атәыла аԥыза-министр Алеқсандр Анқәаб аԥыза-министр актәи ихаҭыԥуаҩ, аенергетикеи атранспорти рминистр Џьансыхә Нанба, аԥыза-министр ихаҭыԥуаҩ, афинансқәа рминитр Владимир Делба, аԥыза-министр ихаҭыԥуаҩ, аекономика аминистр Кристина Озган атәыла Анапхгара Аппарат анапхгаҩы Давид Сангәлиа, аԥыза-министр ицхырааҩ Дмитри Шамба алархәны аилатәара мҩаԥигеит.
Аилатәараҿы Аҳәынҭқарра Ахада Аслан Бжьаниа инапынҵақәа рынагӡара, 2023 шықәсазы атәыла Анапхгара иаднакылаз Ақәҵарақәеи Адҵақәеи рынагӡара, иара убас ҿыц иаԥҵоу Аԥсны аенергетикеи атранспорти Рминистрра ашьақәыргылара азҵаарақәа ирылацәажәеит.
