Аҟәа. Ажьырныҳәамза 6, 2024 шықәса. Аԥсныпресс.  Аԥснытәи аспортсменцәа зхы иақәиҭу аиқәԥара азы атурнир  «Ажәларқәа реиҩызара» аҿы  ахьтәы медалқәа ҩба, араӡны медалқәа хԥа, аџьазтә медалки ргеит. Аицлабрақәа мҩаԥысит ажьырныҳәамза 6 рзы Ставрополь ақалақь аҿы, ҳәа адырра ҟанаҵоит Аԥсны аҿари аспорти русқәа рзы аҳәынҭқарратә Еилакы.

Атурнир аҿы актәи аҭыԥ ргеит Денис Занҭариа (ак/к-23 кьыла), Давид Кьылба (ак/к-32 кьыла). Аҩбатәи аҭыԥқәа ргеит Владлен Қаԥба (ак/к-29 кьыла), Арсен Кәытелиа (ак/к-36 кьыла), Азамаҭ Гогәуа (ак/к-34 кьыла). Аџьазтә медал игеит Сандрик Бигәаа акапантә категориа 62 кьыла иаҵанакуа рыбжьара.

Денис Занҭариа «Иреиӷьу атехника азы» иҷыдоу аԥхьахә ианашьахеит, Владлен Қаԥба - «Аиааиразы агәазыҳәара азы».