Заанаҵтәи адыррақәа рыла, амцакра зыхҟьаз афымцацәаҳәақәа реиқәылара ауп.
04.Ажьырныҳәа.2024
Џьгиарда ақыҭан ахатәы ҩны блит.
Аҟәа. Ажьырныҳәамза 4, 2024 шықәса. Апсныпресс. Очамчыра араион Џьгиарда ақыҭан ахатәы ҩны амца акит, ҳәа адырра ҟанаҵоит Иҷыдоу аҭагылазаашьақәа рзы Аминистрра апресс-маҵзура.
Амашәыр шыҟалаз азы адырра Аԥсны Иҷыдоу аҭагылазаашьақәа рзы Аминистрра ахь иҟалеит 10 сааҭи 19 минуҭи рзы. Амцарцәаҩцәа аҭыԥ ахь ианнеи аамҭазы аҩны амца амҽханакхьан, иара убас уи иаҿаԥшьыз ахыбрагьы амца акхьан. Очамчыра ақалақь Абылрацәыхьчаратә ҟәша аусзуҩцәа ирылшоз зегьы шыҟарҵазгьы, аҩны шьаҭанкыла иблит. Амашәыр аҿы аӡәгьы ааха имоуӡеит.
