Аҟәа. Ажьырныҳәамза 4, 2024 шықәса. Аԥсныпресс. 2023 шықәса, ажьырныҳәамза 1 инаркны ԥхынҷкәынмза 31 аҟынӡа Г. Смыр ихьӡ зху Афонҿыцтәи аҳаԥы акомплекс иаҭааит 389 193-ҩык, иҭииз абилеҭқәа рҟынтәи ахашәалахәы 272 млн. 435 нызықь мааҭ рҟынӡа инаӡеит.
2022 шықәсазы аиԥш-зеиԥшу аамҭахәҭа азы Афонҿыцтәи аҳаԥы иаҭааит 393 255-ҩык, иҭииз абилеҭқәа рҟынтәи ахашәалахәы - 268 млн. 568 нызықь мааҭ рҟынӡа инаӡеит.
Риҵатәи ареликтә милаҭтә парк 2023 шықәсазы иаҭааит 579 227- ҩык, иҭииз абилеҭқәа рҟынтәи ахашәалахәы 385 млн. 068 нызықь мааҭ рҟынӡа инаӡеит.
2022 шықәсазы Риҵатәи ареликтә милаҭтә парк иаҭааит 633 238-ҩык, иҭииз абилеҭқәа рҟынтәи ахашәалахәы - 405 млн. 610 нызықь мааҭ рҟынӡа инаӡеит.
