Аҟәа. Ԥхынҷкәынмза 25, 2023 шықәса. Аԥсныпресс. Ашықәс Ҿыц аламҭалазы Аҳәынҭқарра Ахада Аслан Бжьаниа иԥшәмаԥҳәыс Аелита Ахьиԥҳа Аҟәатәи ацхыраагӡатә школ аҵаҩцәа Ашықәс Ҿыц рыдылныҳәалеит, ахәыҷқәа зегьы аҳамҭа хаақәа раналшьеит.
Аелита Ахьиԥҳа дылԥылеит Аҟәа ақалақь Ахадара аҵара Аусбарҭа аиҳабы Асҭанда Ҭаркьылԥҳа.
«Ишәыдысныҳәаларц сҭахуп иааиуа Ашықәс Ҿыц. Шәара зегьы аныҳәа бзиа ижәбоит. Традициа ҳасабла аиҳабацәа ахәыҷқәа аҳамҭақәа рырҭоит, ирыдныҳәалоит. Убри азы сҭаацәагьы ирҭахуп аҳамҭақәа шәзыҟарҵарц. Исҭахуп иааиуа ашықәс абзиарақәа, агәырӷьарақәа шәзаанагарц. Шәҭаацәа шәылагәырӷьалааит, ачымазарақәа шәаҩсааит. Ҳара, адуцәа, шәара шәзы иҳалшо зегьы ҟаҳҵалоит». Сара шәара зегьы бзиа шәызбоит», - ҳәа илҳәеит Аелита Ахьиԥҳа.
Ашкол аҵаҩцәагьы аҭак аҳаабала Аелита Ахьиԥҳа Ашықәс Ҿыц лыдырныҳәалеит, иԥшӡаз ашәҭ шьыҵәра ҳамҭас илырҭеит.
Аҳәынҭқарра Ахада иԥшәмаԥҳәыс лыхьӡала иара убас ахаа-мыхаақәа рыла еиқәыршәоу аҳамҭақәа рзынашьҭхоит аҳҭнықалақь ахәыҷбаҳчақәа руак, тамшьтәи ашкол, калдахәаратәии очамчыратәии ашкол-интернатқәеи Аҟәатәи алицеи интернати рахь.
