Убри аан лара абылтәы ала аиқәыршәаҩцәа ишиашоу ала аилазаара «Роснефти» дареи аилаӡара рыбжьаҵара шрылшо азгәалҭеит.
«Еилкаатәуп даҽакгьы, абылтәы аагаҩцәа ареспублика аҿы абылтәы аҭаҵәах ыҟазарц азы анефҭаалыҵ ахә заанаҵы иршәахьеит, аалыҵ иахьа-уаҵәы аҳәааҿы иҟалоит. Иҭыҵыз Ақәҵара абылтәы ареспубликахь алагалара аруадаҩуеит, - ҳәа илҳәеит лара.
«Ари азҵаара аҭышәныртәаларазы аекономика Аминистрреи Урыстәыла иашьашәалоу аусбарҭақәеи аусуратә еилацәажәарақәа мҩаԥыргоит. Аминистрра Урыстәылатәи аминистрра иазынанашьҭит еилаӡарала зыхә ршәахьоу абылтәы мҩанызго абылтәаагаҩцәа рзы аинформациа. Ҳгәыӷуеит абри азҵаараҿы ҳаилибакаап ҳәа», - иазгәалҭеит Кристина Озган.
Лара иара убас иазгәалҭеит Аԥсны аекономика иааиԥмырҟьаӡакәа иҟоу аҭагылазаашьа ахылаԥшра шанаҭо, ахархәаҩцәа еиԥҟьарада абылтәы ала реиқәыршәара алыршаразы ихымԥадатәиу абылтәы ацәынхақәа рыҟазаара гәанаҭоит.
«Убри азы абҵара алагамҭазы ҳара абылтәы еилазаарақәа рахь ихымԥадатәиу абылтәы аҭаҵәах рымазарц азы иашьашәалоу азыҳәамҭақәа ҳашьҭит. Иахьазы абензин ацәынха 8 000 тонна рҟынӡа аанханы иҟоуп, адизельтә былтәы - 1,5 нызқь тонна. Ҳара абылтәы азымхара ацәцара ҳалшоит ҳәа агәра ганы ҳаҟоуп», - ҳәа инаҵшьны иазгәалҭеит Кристина Озган.
Уажәы Аминистрра ҳаԥхьаҟа абылтәы азымхара ҟамларц азы еилаӡарала зыхә ршәахьоу абылтәы аагара аҭышәынтәалареи аилаӡара ҿыцқәа рыбжьаҵареи рзы алшарақәа рыԥшаара азы аҽазышәарақәа ҟанаҵоит.
