Аҳәынҭқарра Ахада Башар Асад арабтә тәылақәа Аԥсны ахьыԥшымра азхарҵарц илшо зегьы шыҟаиҵо азы аҳәамҭа ҟаиҵеит.
Иара убасҵәҟьа уи аҵарадырреи, астудентцәа рԥышәеимдареи, аҭҵарадырреи, акультуреи, аспорти рхырхарҭақәа рыла Аԥсни Шьамтәылеи русеицура аҵак ду шамоу азгәеиҭеит.
Иаралацәажәеит Аԥсни Шьамтәылеи рекономикақәа рыҿиаразы аҳәаанырцәтәи аинвесициақәа радыԥхьалара азҵаарақәагьы.
Ахәҭакахьала Инал Арӡынба Шьамтәыла Ахада Аԥсны Ахада Аслан Бжьаниа аинвесторцәа радыԥхьалареи ҳреспубликаҟны аинвесторцәа рзы иманшәалоу аҭагылазаашьақәа рзаԥҵареи иҽазҵәылхны дшашьҭоу атәы изеиҭеиҳәеит. Аԥсуа-шьамтәылатәи агани урыстәылатәии белоруссиатәии аинвесторцәеи дареи русеицура азҵаара иаҵоу актуалрагьы азгәаҭан.
Аганқәа Израиль имҩаԥнаго аполитика, Шьамтәылатәи аҭынчуааԥсыра иахьрылахысуа ӷәӷәала иақәыӡбеит. Аԥсны адәныҟатәи аусқәа рминистр Еиду Амилаҭқәа Реиҩызара Ашәарҭадаратә Хеилак арезолиуциа (Голантәи аҳаракырақәа рдеокупациа аганахьала) хымԥада ишықәнаҟәатәу азгәеиҭеит.
Инал Арӡынбеи Башар Асади иара убас сектор Газа аҿы агуманитартә катастрофа аҟынӡа иназгаз аколлективтә Мраҭашәара ауснагӡатәқәа ирықәыӡбеит.
