Ԥхынҷкәынмза 1, 2023 шықәсазы Афонд адыррақәа рыла, зынӡа Аԥсны атәанчахәы роуеит 47 248-ҩык, ари 2 160-ҩык рыла еиҵоуп ҵыԥх аасҭа.

«Атәанчахәы ахь ацҵақәа рзыршәоит 12 706-ҩык, ари 1001-ҩык рыла еиҳауп2022 шықәса аасҭа.

Ԥхынҷкәынмза 1 азы зфинанстәра мҩаԥгаз атәанчахәы ахь ацҵақәа реицҵалыҵ 295,3 млн. мааҭ ҟынӡа инаӡоит, уи  2022 шықәса рзы аасҭа 17,7 млн. мааҭ рыла еиҳауп», – ҳәа иазгәеиҭеит Денис Гәылариа.

Денис Гәлариа иажәақәа рыла, Аԥсны Аиааиреи Ахьыԥшымреи 30 шықәса ахыҵра аҳаҭыраз зныктәи ашәара ҳәа иазоужьын 27,9 млн мааҭ.Ацҵа зауз ауаа рхыԥхьаӡара 1 394 –ҩык рҟынӡа инаӡоит.

Иара убас ҳазҭоу ашықәс 11 мзы рыҩныҵҟа зеицҵалыҵ 112,2 млн. мааҭ рҟынӡа инаӡоз абгаԥсатә лагалақәа рзы ауал – амобилизациа азун. Зынӡа аинкассатә унагӡатәқәа рыла 11 мзы рыҩныҵҟа ирылган – 17,6 млн. мааҭ.

Имыцхәны ишәаз атәанчахәытә шәатәқәаеи ацҵақәеи рхарҭәаара аҳасабала Краснодартәи атәылаҿацә Афедералтә Казначеира Аусбарҭа (Краснодартәи атәылаҿацә ала Урыстәылатәи Афедерациа атәанчаҩратәи асоциалтәи абгаԥса Афонд Аҟәша) ахь ишәаз аԥаратә хархәагақәа реицҵалыҵ – 24,1 млн. мааҭ рҟынӡа инаӡоит.  

«2024 шықәсазы Атәанчахәытә фонд атәанчаҩцәа ркатегориақәа 11 рзы атәанчахәы иацнаҵоит.

Шықәсык иалагӡаны иаҭаххо аԥаратә хархәагақәа реицҵалыҵ  – 125,1 млн. мааҭ рҟынӡа инаӡоит. Афонд аҿы ашықәс нҵәаанӡа абгаԥсатә лагалақәа ирыцҵахап ҳәа азԥхьагәаҭарақәа ыҟоуп», – ҳәа иажәа хыркәшо иазгәеиҭеит Денис  Гәылариа.