«Аԥсны аекономика Аминистрра аилазаара аиҳарак иқәыԥшу, ззанааҭтә дырра ҳараку, амбициатә ҟазшьақәа злоу, алҵшәа бзиа аарԥшра хықәкыс измоу аспециалистцәа рыла ишьақәгылоуп. Аминистрра аҟны аус руеит ахылаԥшырҭа аартра ахыҵхырҭаҿы игылазгьы. Аԥышәеи аспециалист ҿарацәа рпотенциали реиларҵәара иабзоураны ҳтәыла анаҩстәи аҿиареи аекономикатә рбагақәа иҭышәынтәаланы рышьҭыхреи зырманшәало иуадаҩу ахыдҵақәеи иҿыцу апроектқәеи рынагӡара алнаршоит», - ҳәа иазгәаҭоуп атәыла аԥыза-министр ихаҭыԥуаҩ, аекономика аминистр Кристина Озган Instagram аҿы лдаҟьа аҿы.
Кристина Озган аиубилеитә рыцхә лколлегацәа реиԥш, иахьа зиубилеи азгәазҭо афинансқәа Рминистрра аусзуҩцәагьы дрыдныҳәалеит.
«Ԥхынҷкәынмза 12 Аԥсны аекономистцәеи афинансистцәеи рзанааҭтә ныҳәаны иҟоуп! Аныҳәа шәадныҳәалаз ҳаҭыр зқәу сколлегацәа!» – ҳәа Instagram аҿы лдаҟьаҿы ианылҵеит лара.
