Аҟәа. Ԥхынҷкәнмза 6, 2023 шықәса. Аԥсныпресс. Аԥсны Афырхаҵа, Аинформациатә Маҵзура ТАСС афотокореспондент Андреи Соловиов игәалашәара иазкны Аԥсны ажурналистцәа реилазаара рыбжьара имҩаԥгаз II аконкурс «Взгляд – 2023» аҿы аиааира згаз Москва ақалақь аҿы имҩаԥысраны иҟоу амедиапремиа «Честный взгляд» афинал рхы аладырхәраны иҟоуп, ҳәа адырра ҟанаҵоит «Аԥсны иҟоу Аурыс Ҩны».
Адунеи зегьы аҟынтәи 30 иреиӷьу аусумҭақәа равторцәа, Аԥсны ажурналистцәа реилазаара рыбжьара имҩаԥгаз II аконкурс «Взгляд – 2023» афиналистцәа уахь иналаҵаны, жәларбжьаратәи апремиа «Честный взгляд» («The Honest View Media Award») алахәылацәа рсиа (шорт-лист) иалалеит.
Жәларбжьаратәи апремиа анашьара ацеремона. Мҩаԥысуеит ԥхынҷкәынмза 11 рзы асасааирҭа «Золотое кольцо» аҿы.
Сынтәа аконкурс «Честный взгляд» ахь 250 инареиҳаны аҳәаанырцәтәи ажурналистцәеи аблогерцәеи русумҭақәа нашьҭын. Русумҭақәа нарышьҭит иара убас африкантә континент иаҵанакуа аҳәынҭқаррақәа жәаба рҟынтәи ажурналистцәагьы.
Зынӡа иҟан 6 номинациак:
«Зтехнологиатә ҩаӡара ҳараку аҭыжьра»;
«Асоциал-гуманитартә проблематика»;
«Аҵакырақәа рыҿиара»;
«Урыстәыла жәларбжьаратәи акультуратә партниора абжьаҵара»;
«Аперспективра злоу аиндустриақәа»;
«Апублицистикеи адокументалистикеи»;
Аиааира згаз зегьы аԥаратә ҳамҭақәа ранашьахоит. Аконкурс аԥхьахәтә Фонд — 2,5 миллион мааҭ ҟынӡа инаӡоит!
Аконкурс аҭагылазаашьақәеи аԥҟарақәеи, ажиури, амедиапремиа аекспертә хеилак реилазаара реилкаара ҟалоит аофициалтә саит аҟны https://honest-view.com
Аконкурс аихшьаалақәа кьыԥхьхоит аконкурс «Честный взгляд» аофициалтә саит аҿы ԥхынҷкәынмза 12, 2023 шықәсазы.
