«Аӡынтәи аҽазыҟаҵарақәа архәҭақәеи урҭ рыҟәшеиҵақәеи зегьы рҿы аныҳәатә цәаҳәақәгыларала иалагеит», – ҳәа адырра ҟанаҵоит атәылахьчара Аминистрра аофициалтә саит.
Ԥхынҷкәынмза 4 рзы, аҽазыҟаҵаатә мшы иалагӡаны ауаажәларра-ҳәынҭқарратә зыҟаҵара; аҽазыҟаҵарақәа, аҵара, атехникеи абџьари рхархәараан ашәарҭадаразы ауснагӡатәқәа; абылрацәыхьчаратә ҽазыҟаҵарақәа; арра-медицинатә зыҟаҵара, уҳәа рзы аҽазыҟаҵарақәа мҩаԥысуан.
Ԥхынҷкәынмза 5 рзы архәҭақәеи арратә ҟәшеиҵақәеи рҿы имҩаԥысит атактика-цәаҳәақәгыларатә ҽазыҟаҵарақәа. Урҭ рҳәаақәа ирҭагӡаны ашәарҭара ҟалар атәылахьчара Аминистрра архәҭақәеи хазы игоу арратә ҟәшеиҵақәеи реилазаараҿы ахымҩаԥгашьазы акомплекстә ҽазыҟаҵарақәа мҩаԥган.
