Даҽа урҭ иреиԥшыз ҩ-еилаҳәарак рыԥшааит иара уи аԥхьа иҟаиҵахьаз имаӡоу ашьҭаҵарҭақәа рҿы.
Аоператив-ԥшааратә усмҩаԥгатәқәа раан ишьақәыргылахеит, Огариов Свиатослав, «акуратор» иаҳасабала аус иалаху ахаҿи иареи заанаҵы рцәыҵеицәажәара ашьҭахь, «метадон» ҳәа изышьҭоу анаркотикатә маҭәашьар анаҩс Аԥсны амаӡа шьҭаҵарҭақәа рыла аҭиразы ишааихәаз. Анаркотикқәа рыҭира мҩаԥысуан анаркоканал «Кира» ала. Свиатослав Огариов анаркотикатә маҭәашьарқәа згәылаз аиалаҳәарақәа амаӡа шьҭаҵарҭақәа рҿы ишьҭеиҵон.
Иааидкыланы Свиатослав Огариов имхуп зыкапан 14,377 грамм рҟынӡа инаӡо анаркотикатә маҭәашьар. Аԥсны аҩныҵҟатәи аусқәа Рминистрра Аусеилыргаратә Усбарҭа Свиатослав Огариов иганахьала Аԥсны Ашьаустә Закәанеидкыла ахәҭаҷ 224, ахәҭа 3, ап. «в» ала ашьаус хацнаркит, иара Огариов Свиатослав даанкылоуп.
