Агәаҭарақәа реихшьаалақәа рыла административтә ҟазшьа змоу аӡбамҭақәа рыдыркылоит, ҳәа адырра ҟанаҵоит Иҷыдоу аҭагылазаашьақәа рзы Аминистрра апресс-маҵзура.
30.Абҵара.2023
Аҟәа ақалақь Апрокуратуреи Иҷыдоу аҭагылазаашьақәа рзы Аминистрреи аџьармыкьа Хада аҿы агәаҭарақәа мҩаԥыргоит.
Аҟәа. Абҵарамза 30, 2023 шықәса. Аԥсныпресс. Аҟәа ақалақь Апрокуратура Аҟәа ақалақь Ахадара Амуниципалтә унитартә Наплакы «Аҟәатәи ақалақьтә џьармыкьа Хада» аусура агәаҭара мҩаԥнагоит. Ахәҭакахьала, иара убас абылрацәыхьчаратә нормақәа рықәныҟәара ахьынӡазалыршоугьы гәарҭоит.
Абҵарамза 29, 2023 шықәсазы Апрокуратура аԥшьгарала, Аҟәа ақалақьи Аҟәа араиони рыхьчара азы абылрацәыхьчаратә отриад алархәны Аҟәатәи аџьармыкьа иаҵанакуа ахәаахәҭратәи егьырҭ аобиектқәеи абылрацәыхьчаратә нормақәа ишрықәныҟәо азы агәаҭара мҩаԥган.
