Уаанӡа иҟаз адыррақәа рыла, Апрокуратура Хада Аусеилыргаратә усбарҭа цәыббрамза 1, 2020 шықәсазы аусеилыргара ахәаԥшразы Гәдоуҭатәи араионтә ӡбарҭа ахь идәықәнаҵеит.

Аӡбарҭа аус ианахәаԥш ашьҭахь, иарбоу аус иалахәыз зегьы рганахьала ахарадҵатә ӡбамҭа аднакылеит. Урҭ ахара рыдуп ҳәа иԥхьаӡаны ахьырхәра  аҳасабала 5  шықәса азеиԥш режим змоу ариашаратә колониа аҿы ҭакрала ахгара рзалхын. Иназыцҵоу ахьырхәра аҳасабала аӡбарҭа Кәаӡба Вадим Сергеи-иԥеи Џьениа Фатима Вадим-иԥҳаи шықәсык иалагӡаны азинхьчаратә система аусбарҭақәа рҿы амаҵуратә ҭыԥқәа раанкылара рақәиҭымтәразы аӡбамҭа аднакылеит.

Иара убри азыӡбала ахарадҵа зду зегьы рганахьала «Ареспублика Аԥсны  Аиааиреи ахьыԥшымреи Рымш 30-шықәса ахыҵра инамаданы амнистиа алаҳәара азы» Аԥсны Жәлар Реизара-Апарламент Ақәҵара ахархәара аиуит. Уи инақәыршәаны иарбоу аус ала ахара здыз зегьы ахьырхәра аҟынтәи рхы иақәиҭтәхеит.