Ацәыргақәҵа аус аулоит ԥхынҷкәынмза анҵәамҭанӡа. Ацәыргақәҵа аҭааҩцәа аԥснытәи ашколқәа рҵаҩцәа арҿиаратә мастер-классқәа рымҩаԥгараан рнапы иҵыҵыз  анапкымҭақәеи алитературатә ԥҵамҭақәеи рбарала  амилаҭтә калорит атмосфера анырреи аурыс жәлари аԥсуа жәлари рытрадициақәеи рҵасқәеи рқьабзқәеи  рзы ирымоу адыррақәа реизырҳареи рзы алшара роуеит.

Уажәазы ацәыргақәҵаҿы ицәыргоуп 100 инарзынаԥшуа аекспонатқәа, урҭ аурыс еиԥш аԥсуа культурагьы аелементқәа рныԥшуеит. Убри аан аекспозициа есымша иҿыцу аусумҭақәа рыла ихарҭәаахоит.  

Апроект аҳәаақәа ирҭагӡаны, ԥхынҷкәынмзазы урыс бызшәала  аҵарадырратә  усура амҩаԥгареи аурыс бызшәа аҳәаанырцәтәи абызшәа аҳасабала аҵареи  ирыдҳәалоу азҵаарақәа рылацәажәара иазку афорум амҩаԥгара азԥхьагәаҭоуп.

Афорум алахәылацәаны иҟалоит алингвистика, апедагогика, акультуралогиа, уҳәа амаҭәарқәа рыла инагоу урыстәылатәи аспециалистцәа, урҭ Аԥснытәи рколлегацәеи дареи аԥышәеи адырреи рыла аимадара рыбжьарҵоит.  Афорум асасцәа рзы  аԥышәа бзиа змоу аҭыԥантәи аекскурсиамҩаԥгаҩ дызцу, иуникалу Аԥсны аҭыԥ ԥшӡарақәа рахь интерес зҵоу акультура-екскурсиатә программа еиҿкаахоит.

Ацәыргақәаҵа ахьымҩаԥысуа аҭыӡҭыԥ: ақ. Аҟәа,  Абазаа рымҩа, аҩ. № 38.

Аусура аамҭа: есыҽны, асааҭ 11:00 –18:00.

Аԥсшьарамшы – ахаша.