Аҟәа. Абҵарамза 23, 2023 шықәса. Аԥсныпресс. Агәабзиарахьчара аминистр ахылаԥшырҭа аобиектқәа аӡынра ишазыҟаҵоу атәы далацәажәеит Очамчыра, Ҭҟәарчал, Гал араионқа рҿы анҭыҵтәи аилатәарақәа рымҩаԥгара аҳәаақәа ирҭагӡаны еиҿкааз араионтә хәышәтәырҭақа рнапхгаҩцәа рԥылара аҿы, ҳәа адырра ҟанаҵоит агәабзиарахьчара Аминистрра апресс-маҵзура.
Араионтә хәышәтырҭа Хадақәа рнапхгаҩцәа аминистр аӡынра ишазыҟаҵоу азы адырра ирҭеит.
Араионтә хәышәтәырҭақәа рҳақьым Хадацәа иааиԥмырҟьаӡакәа афымцамч ала аиқәыршәара, иҟалар зылшо амшцәгьақәа рзы автопарк ахиара, ашьҭаҵарҭақәа рахь ахәшәқәеи аныхтә маҭәахәқәеи рыдгалара, уҳәа азҵаарақәа ахылаԥшра арҭоит.
Араионтә хышәтәырҭақәа зегьы рҿы астационартә дизельтә генераторқәа ыҟоуп. Арҭ аиқәыршәагақәа ртехникатә ҭагылазаашьа гәаҭоуп, урҭ ахархәара иазхиоуп.
Аԥсны агәабзиарахьчара аминистр Едуард Быҭәба амедусбарҭақәа рҿы иҟоу аҭагылазаашьа азы есымчыбжь адырра ирҭаларц азы анапынҵақәа ҟаиҵеит.
