Аҟәа. Абҵарамза 23, 2023 шықәса. Аԥсныпресс. Изакәанымкәа акриптовалиута арҳара аарԥшреи аԥхьырҟәҟәаареи ирызку аоператив-ԥшааратә уснагӡатәқәа рымҩаԥгараан, Очамчыра араион аҩныҵҟатәи аусқәа Русбарҭа аусзуҩцәа, Аҳәынҭқарратә шәарҭадара Амаҵзуреи Аҳәынҭстандарти рыспециалистцәа рыцны Очамчыра араион Ԥақәашь ақыҭан ирыԥшааит акриптовалита арҳара иазку 86 аппарат, ҳәа адырра ҟанаҵоит атәыла аҩныҵҟатәи аусқәа Рминистрра апресс-маҵзура. Иарбоу аппаратқәа рыԥшәма – Ҷыҭанаа Хьымца Капитон-иԥа.
Аҟәа араион аҩныҵҟатәи аусқәа Русбарҭа аусзуҩцәа Аҟәа араион Афымцатә Станциеи Аҳәынҭстандарти русзуҩцәеи рыцхыраарала Баслаҭа ақыҭан ирыԥшааит иагьрымырхит 30 маининг-аппарат. Урҭ рыԥшәма – Каталанӡиа Альберт Тариел-иԥа иоуп.
Аҟәа ақалақь, Ешба имҩала игылоу аҩнеихагыла ауадақәа руак аҿы, аҳҭнықалақь аҩныҵҟатәи аусқәа Русбарҭа аусзуҩцәа ирыԥшааит Кәыҵниа Оҭар Омар-иԥа итәыз акриптовалиута арҳара иазкыз аппаратқәа хәба. Аппаратқәа аԥшәма имырхит.
Дранда ақыҭан ирбеит даҽа ҩ-маининг- обиектк. Х-апаратк рымхра мҩаԥган. Урҭ Тапикиан Андроник Аганес-иԥа итәын, дара иара дахьынхо аҩны азааигәара ишьақәыргылан. Даҽа аус зуаз ԥшь-аппаратк рыԥшааит. Урҭ зтәыз Типикиан Армен Арарат-иԥа иоуп.
Дранда ақыҭан, Аиааира амҩала игылоу аҩны аҿы даҽа х-аппаратк рыԥшааит. Урҭ Бахтаӡе Даур Зураб-иԥа итәын.
Азинеилагаҩцәа зегьы административтә ҭакԥхықәра рыдҵоуп. Все нарушители привлечены к административной ответственности. Прочитано 223 раз. Последнее изменение 23.11.2023.
Источник: https://www.apsnypress.info/ru/home/novosti/item/8571-sotrudniki-militsii-izyali-131-majning-apparat.
© АПСНЫПРЕСС.
