«Амаӡақәа зегьы сзеиҭаҳәом. Акызаҵәык исҳәар сылшо, сынтәа аԥсаҵла архиара астиль зынӡа даҽакхоит, уи аҩычашьала ҵыԥхтәи аԥсаҵла еиԥшхаӡом. Аԥсаҵла злархиахо ахәмаргақәагьы рҿыцхоит. Аԥсаҵла ахьышьақәыргылахо аҭыԥ анаҩс, ашҭа зегьи уахь инеиуа аллеиақәагьы рхиахоит. Еиҿкаахоит ашықәсҿыцтәи аџьармыкьа. Араҟа еиҿкаахо зегьы стильк иқәныҟо иҟалоит», - ҳәа илҳәеит Кама Кәыҭелиа.
Лара иара убас ақалақь иахьаҵанакуа - Ефрем Ешба ихьӡ зху апарк, Ацҳа Ҟаԥшь, амшын аԥшаҳәа аҿы афотозонақәеи ашықәсҿыцтәи аинсталиациақәеи шыҟало азгәалҭеит.
