Аҟәа. Абҵарамза 21, 2023 шықәса. Аԥсныпресс. Есышықәса имҩаԥысуа Урыстәылазегьтәи атурнир «Кавказ амшын Еиқәа аԥшаҳәа Ахраҿа» аҿы еиуеиԥшым аҩаӡара змоу 13 медал ранашьахеит аԥснытәи атхеквондо аиқәԥаҩцәа, ҳәа адырра ҟанаҵоит Аԥсны аҿари аспорти русқәа рзы аҳәынҭқарратә Еилакы.
Атурнир мҩаԥысит абҵарамза 19 рзы Шәача ақалақь аҿы. Уи рхы аладырхәит урыстәылатәи арегионқәа еиуеиԥшым афедерациақәеи аклубқәеи рҟынтәи аспортсменцәа, иара убас Гагра ақалақь мрагыларатәи аиқәԥарақәа рзы Ахәыҷтәы-қәԥштә спорттә школ аҟынтәи 16-ҩык рыла еилоу акоманда.
Атурнир аихшьаалақәа рыла аԥснытәи аспортменцәа актәи быжь ҭыԥки аҩбатәи х-ҭыԥки ахԥатәи х-ҭыԥки ааныркылеит.
Актәи аҭыԥқәа ааныркылеит Аурика Кузнецова, Елизбар Ермолаев, Вероника Чакриан, Даниил Барцыц, Аркади Саркисиан, Данила Миносиан, Давид Кочкониан.
Араӡнытә аԥхьахәқәа ргеит Енвер Оҭырба, Михаил Аветианци Руслана Гусаки.
Ахԥатәи аҭықәа ргеит Леонард Кериан, Георги Ҷыҭанааи Виачеслав Марганиеи.
Аспортсменцәа азыҟарҵоит Ҭемыр Барцыц, Алиас Агрба, Ныгәзар Торчинаа, Никита Ухваков, Саида Гәынба, Аԥсны атхеквондо Афедерациа апрезидент Оҭар Гогәуа.
