Аҟәа. Абҵарамза 14, 2023 шықәса. Аԥсныпресс. Атәыла агәабзиарахьчара аминистр Едуард Быҭәба Ахылаԥшырҭа ахәшәқәа ррезервтә шьҭаҵарҭа аусура гәеиҭеит, ҳәа адырра ҟанаҵоит агабзиарахьчара Аминистрра апресс-маҵзура.
Аусура ацашьа атәы аминистр изеиҭеиҳәеит атәыла Агәабзиарахьчара Аминистрра амедицинатә хархәагақәеи ахәтә маҭәашьарқәеи рыла аиқәыршәара аусбарҭа анапхгаҩы Ахра Аџьба.
Ахра Аџьба, арезерв есымша ихарҭәаахоит ҳәа инаҵшьны иазгәеиҭеит. Иахьатәи амш азы аусура аганахьала апроблемақәа ыҟаӡам.
Едуард Быҭәба амедицинатә, ахәшәтә зкызаара змоу амаҭәахәқәа уахь иналаҵаны рыҵәахра, агәабзиарахьчара Аминистрра адҵа ала, иара убас егьырҭ анорма-зинтә усшәҟәқәеи инарықәыршәаны имҩаԥысуеит.
