Аҟәа. Абҵарамза 13, 2023 шықәса. Аԥсныпресс. Абҵарамза 13 рзы иазгәарҭоит Жәларбжьаратәи ақьиара Амш.
Адунеизегьтәи ақьиара Амш милаҭла, динхаҵала, арасала еиуеиԥшым ауаа реидкылара иазкуп. Уи даҽазнык иугәаланаршәоит ақьиареи агәцаракреи абзиабареи арыцҳаибашьареи аҵак ду шаҵоу, уи арыцҳарақәа зегьы риааира ишацхраауа.
Раԥхьаӡа акәны Ақьиара Амш азгәарҭо иалагеит иапонтәи «Ақьиара азы Адунеизегьтәи аиҿкаара» активистцәа абҵарамза 13, 1997 шықәсазы. Аиҿкаара ахықәкы хаданы иҟоуп – ақьиареи арыцҳаибашьареи аҳра ахьауа адунеи аԥҵара. 1998 шықәсазы Токио ақалақь аҿы имҩаԥысит Адунеизегьтәи ақьиара Амш актәи аконференциа, уи рхы аладырхәит Австралиа, Канада, Иапониа, Таиланд, Сингапур, Великобританиа, Еиду Америкатәи Аштатқәа. 2009 шықәсазы ари аныҳәа раԥхьаӡа акәны азгәаҭара иалагеит Урыстәылагьы.
Аԥсны есышықәса Ақьиара Амш азгәарҭоит, агәыҳалалратә еиҿкаарақәа еиуеиԥшым аусмҩаԥгатәқәеи акциақәеи мҩаԥыргоит.
Аҵарауаа ргәаанагарала, абжьааԥнытәи аԥсҭазаара аҿы ауаа рганахьала ақьиареи арыцҳаибашьареи агәцаракреи аазырԥшуа адунеи аоптимизм ду ала ахәаԥшра адагьы, ргәалаҟазаареи маха-шьахала рҭагылазаашьагьы еиҳа еиӷьны иҟоуп. Ауаҩы егьырҭ данрыцхраауа иара ихшыҩаб зеиӷьаҟам аԥсабаратә хьаарҽыгақәаны ирдыруа хыԥхьаӡара рацәала аендорфинқәа ахылҵуеит. Иара убас, ендорфины ҳәа изышьҭоу ауаҩы инервқәа дырҭынчуеит, дҭышәныртәалоит, еиҳа деиқәнартәоит, адипрессиа аҟынтәи дахьчоит.
«Агәыҳалалратә усуразы» Азакәан Аԥсны ирыдыркылеит аџьынџьтәылатәи еибашьра анцоз аамҭазы – ԥхынҷәынмза 4, 1992 шықәса рзы.
Азакәан агәҳалалратә усура аҳәынҭқарратә дгылара анаҭоит, уи азинтәи ашьаҭа аԥнаҵоит, аҭыԥантәи еиԥш аҳәаанырцәтәи аусура аларҵәара азы иахәҭоу аҭагылазаашьақәа шьақәнаргылоит.
Аҳәынҭқарра ахықәкытә шәахтә политика амҩаԥгара, азинҷыдақәеи апривилегиақәеи рышьақәыргылареи, урҭ атәылауааи аиуристтә хаҿқәеи урҭ реидгыларақәеи азакәан инақәыршәаны адгалара рыҭарала ари аҩыза аусуразы афинанстәи аматериалтәи ашьаҭа аԥҵара иацхраауеит.
Ареспублика аҿы бжьаратәла уахәаԥшуазар ашәҟәы иҭагалахоит агәыҳалалратә хықәкы анагӡара мацаразы зусура мҩаԥызго 30 инарзынаԥшуа аиҿкаарақәа.
Аԥсныпресс акорреспондент Аԥсны аиустициа Аминистрра аҿы ирҭаз адыррақәа рыла, ҳазҭоу аамҭазы Асертификациатә комиссиа аӡбамҭа инақәыршәаны агәыҳалалратә усура анагӡаразы аҳәынҭқарратә сертификатқәа рыҭоуп 25 еиҿкаара.
Агәыҳалалра асертификат змоу аиҿкаарақәа:
– Агәыҳалалратә фонд «Адунеи».
– Агәыҳалалратә фонд «Аевкалипт».
– Аԥсны Актәи Ахада ихьӡ зху Агәыҳалалратә фонд.
– Аҟәатәи ақәыԥшцәа Рыҩны (Агәыҳалалратә фонд).
– Агәыҳалалратә фонд «Атәылауаҩратә инициативеи ҳаԥхьаҟа иҟало ауаҩи»
– Ареспублика Аԥсны аџьынџьтәылатәи еибашьра аинвалидцәа Ареспубликатә рассоциациа «Аԥсны».
– Ауаажәларратә гәыҳалалратә еиҿкаара «Панорама».
– Агәыҳалалратә фонд «Асаркьа».
– Ауаажәларратә гәыҳалалратә еиҿкаара «Аԥсны анацәа аҭынчреи аҭышәынтәалареи рзы».
– Ауаажәларратә гәыҳалалратә еиҿкаара Агуманитартә программақәа Рцентр».
– Зураб Ачба ихьӡ зху Агәыҳалалратә фонд «Акультура-гәыҳалалратә фонд «Амчхарада адунеи».
– Агәыҳалалратә фонд «Арҿиара».
– Агәыҳалалратә фонд «Аҳәса рырҿиара афонд».
–Очамчыратәи Ақәыԥшцәа Рыҩны (агәыҳалалратә фонд) «Агәыӷра ашәахәа».
– Автономтә Икоммерциатәым Аиҿкаара «Агәыҳалалратә цхыраара Ацентр «ҲАРА ҲАИЦУП».
– Агәыҳалалратә фонд «Самырзаҟантәи аинвалидцәа Рассоциациа».
– Агәыҳалалратә фонд «Ҭҟәарчал аҿар Раԥшьгара».
– Амилаҭтә кинематограф аҿиара азы агәыҳалалратә фонд «Сандро-Продакшен».
– Ацқьа апостолцәа Андреи Аԥхьанаԥхьеи Симон Ҟанттәи рдоуҳатә рккара азы Агәыҳалалратә фонд.
– Ауаажәларратә еиҿкаара «Абжьыуаа рыҳәса».
– Агәыҳалалратә фонд «Асаркьиал».
– Агәыҳалалратә фонд «АСА».
–Азеиԥшҵарадырратәи аусдкыларатәи аԥшьгарақәа рыҿиара Афонд «Синергиа».
– Ауаажәларратә гәыҳалалратә еиҿкаара «Ҳаԥхьаҟатәи акультура» .
– Акультура-гәыҳалалратә фонд «АШАНА».
