Уи  амедицинатә усбарҭа аҿы хымԥада  иҭыԥырку арыцқьаратә еиқәыршәага ыҟазар ахәҭоуп ҳәа инаҵшьны иазгәеиҭеит.

«Ҳара арыцқьаратә еиқәыршәагақәа рыргыларазы ахарџьынҵатә документациа еиқәҳаршәеит, урҭ рыхәԥса 4 млн. 600 нызықь мааҭ рҟынӡа инаӡоит. Ари ашьақәыргылага аныргылахо ашьҭахь иарбоу ахырхарҭа аганахьала адиспансер уаҳа апроблемақәа азцәырҵлаӡом»,- ҳәа агәра ганы дыҟоуп Руслан Тәанба.

Иара убас, иарбоу амедицинатә усбарҭаҿы иԥхасҭахеит арентген-аппарати афлиуорографи, алабораториа аҿы иаҭахуп иҿыцу абиохимиатә анализатор.

Атәыла агәабзиарахьчара аминистр иахәҭоу аусбарҭақәеи амаҵзурақәеи аамҭа кьаҿ иалагӡаны иарбоу амедицинатә усбарҭа аҿы ихымԥадатәиу аиҭашьақәыргыларатә усурақәа нарыгӡарц азы анапынҵақәа риҭеит.

Едуард Быҭәба  адиспансер аҿы арыцқьаратә шьақәгыларақәа рыргылара ахымԥадатәра азҵаара атәыла Анапхгара аҩаӡараҿы иалацәажәахьеит ҳәа иазгәеиҭеит. Уажәы аусурақәа рфинанстәра ахыҵхырҭа аԥшаара азҵаара аӡбара мҩаԥысуеит.

«Аимҳәадуҿагыларатә диспансер акыр зҵазкуа ареспублика амедицинатә центр ауп, уи инагӡаны, иҟоу анормақәа инарықәыршәаны мҽхакы ҭбаала аус аулароуп. Шьаҿа-шьаҿала азҵаарақәа зегьы ҳаӡбалоит», -ҳәа инаҵшьны иазгәеиҭеит иара.

Иахьатәи амш азы аимҳәадуҿагыларатә хәышәтәырҭа аҿы астационартә хәышәтәра иахысуеит 16-ҩык апациентцәа, амбулатортә хәышәтәра роуеит 48-ҩык.