Петровски аокруги Аԥсны Гал араиони аусеицуразы амуниципалбжьаратәи аиқәшаҳаҭра рыбжьарҵеит. Аусшәҟәы инақәыршәаны, аҵарадырреи акультуреи русхкы аҿы еиуеиԥшым аусмҩаԥгатәқәа рымҩаԥгара азԥхьагәаҭоуп.
08.Абҵара.2023
Тамбовтәи аобласть аҟынтәи иаагоу аҵәаҵлақәа раллеиа ҟалоит Гал ақалақь аҿы.
Аҟәа. Абҵарамза 8, 2023 шықәса. Аԥсныпресс. Аԥснытәи аделегациа жьҭаарамза анҵәамҭазы Тамбовтәи аобласть Петровтәи аокруг аҿы иҟан. Арегион абара аҳәаақәа ирҭагӡаны асасцәа аҭыԥантәи абаҳчааӡаратә наплакы иаҭааит. Араҟа урҭ ҳамҭас ирырҭеит 100 шьапык ԥшь-сортк рҟыӡа иҟоу аҵәаҵлақәа реиҭаҳатәқәа. Абри азы адырра ҟаҵоуп асаит https://tambov.mk.ru. аҿы.
Араион ахада Сергеи Ефанов ишеиҭеиҳәаз ала, аԥсуа қалақь Гал аҿы Аиҩызара ахьӡала аҵәаҵлақәа раллеиа аиҭаҳара азԥхьагәаҭоуп. Уи ҳамҭас ирырҭо аҵлақәа аԥсуа дгьыл шанаало, ишыӷьацо азы агәыӷра ааирԥшит.
