Аҟәа. Абҵарамза 7, 2023 шықәса. Аԥсныпресс. Аԥсны акультура аминистр инапынҵақәа назыгӡо Динара Смыр напхгара зылҭо аԥснытәи аделегациа абҵарамза 16-18, 2023 шықәса рзы Санкт-Петербург ақалақь аҿы имҩаԥысуа IX Жәларбжьаратәи акультуратә форум аусура ахы аланархәуеит.
Акультура Аминистрра апресс-маҵзура иҟанаҵо адыррақәа рыла, аԥснытәи аделегациа аилазаара иалалеит С.Ҷанба ихьӡ зху Аԥснытәи аҳәынҭқарратә драматә театр адиректор Алхас Ҷолокуа, Ф.Искандер ихьӡ зху Аурыс драматә театр адиректор Хада Иракли Хьынҭәба, А. Чычба ихьӡ зху Аҟәатәи аҳәынҭқарратә музыкатә ҵараиурҭа адиректор Нинель Бжьаниа, Ареспублика Аԥсны Аҳәынҭқарратә камератә оркестр асахьаркыратә напхгаҩы, адерижиор Давид Терзиан, жәларбжьаратәи аусеицуреи амассатә информациа ахархәагақәа рымадареи рзы акультура Аминистрра аҟәша анапхгаҩы Сариа Маршьан.
2023 шықәсазы Афорум ҩаԥхьа азанааҭтә еилазаара — акультура аусзуҩцәа, атәылеи адунеи рҿы иҟоу акультуратә еиҿкаара дуқәа рнапхгаҩцәа, зыхьӡ нагоу аекспертцәа, иара убас абизнеис-еилазаареи аҳәынҭқарратә мчра аусбарҭақәеи рхаҭарнакцәа.
«Акультура есымша еиԥш уажәгьы еиуеиԥшым атәылақәа, ажәларқәа, адунеихәаԥшышьақәа еидызкыло адиалог шьақәзыргыло акакәны иҟан, — ҳәа иазгәалҭеит Урыстәылатәи Афедерациа акультура аминистр Ольга Любимова. — Акультура агуманизми адунеи зегьы ажәларқәа иреиӷьу атрадициақәеи рыла ишьаҭаркуп».
Афорум аусуратә программа иалагалоуп х-блок: «Аҭоурых акультура ала адырра», «Иԥсабаратәым аинтеллект – акультура азы ишәарҭоу хра злоу цәырҵроу», «Атрадициатә культура ацивилизациа злоу ауаажәларратә еилазаара ашьақәгылара ашьаҭа аҳасабала». .
