«Иарбоу азакәан апроект «Аҳәаанырцәтәи атәылауаа рзинтә ҭагылазаашьа азы» иҟоу азакәан ахәҭаҷқәа 10, 34 аиҭакрақәеи ацҵақәеи ралагалара азԥхьагәанаҭоит. Убас ала: Ирыҭоу анхаразы аршаҳаҭга азинмчы аҽҳәара хәы-шықәса рҟынтәи жәа-шықәса рҟынӡа ацҵареи аҩныҵҟатәи аусқәа Рминистрра Апаспорттә Усбарҭеи уи атерриториалтә ҟәшеиҵақәеи рыла ирыҭахо аҳәаанырцәтәи атәылауаа Аԥсны иааиԥмырҟьаӡакәа ихымԥадатәиу ашықәсқәа ирылагӡаны рынхара зырҵабыргуа аусшәҟәқәа рсиа ашьақәыргылареи рзы ажәалагала ҟаҵоуп» – , ҳәа иазгәаҭоуп аилыркаага дырранҵа аҿы.
Адепутатцәа еицҿакны ирыдгалаз аиҭакрақәа рзы рыбжьы рҭиит.
