Аҟәа. Абҵарамза 2, 2023 шықәса. Аԥсныпресс. Аԥсны Жәлар Реизара-Апарламент адепутатцәа актәи аԥхьараҿы 2023 шықәсазы ареспубликатә биуџьет аиҭакрақәа ралагалара рыдыркылеит.
Аконсолидациа зызу 2023 шықәсазы Аԥсны Аҳәынҭқарратә биуџьет азеиԥш шәага-зага ахашәалахәқәа рыла 13 млрд 615 млн 933,9 нызықь мааҭ рҟынӡа иазԥхьагәаҭоуп, аныхтәқәа рыла – 15 млрд 932 млн 206,8 нызықь мааҭ. рҟынӡа. Аҳәынҭқарратә биуџьет адефицит 2 млрд. 316 млн. 272,9 нызықь мааҭ рыла ириашаны ишьақәырӷәӷәоуп.
2023 шықәсазы Ареспубликатә биуџьет апараметрқәа 10 млрд. 425 млн. 326,9 нызықь мааҭ рыла ириашаны ишьақәырӷәӷәоуп.
2023 шықәсазы Ареспубликатә биуџьет аныхтә хәҭа ашәага-зага убасҵәҟьа аизырҳара аганахьала 720 млн. 018,3 нызықь мааҭ рыла иацҵаны ириашаны ишьақәырӷәӷәоуп. Уи ашәага-зага 12 млрд. 301 млн. 360,1 нызықь мааҭ рҟынӡа инаӡоит. Ареспубликатә биуџьет адефицит 1 млрд. 876 мл.н 33,2 нызықь мааҭ рҟынӡа инаӡоит.
