Ԥыҭрак ашьҭахь амилициа аусзуҩцәа рыла даанкылан Нестор Зурик-иԥа Џьопуа. Уи иақәшаҳаҭымыз атәылауаа Киркинаӡе И.В., Џьынџьал Д.Д., Лабжаниа Л.Р., Сабекиа А.Д., иара убас зхаҭара шьақәыргылам егьырҭ ахаҿқәеи амилициа аусзуҩцәа иааныркылаз игараҿы ирԥырхагахеит, амилициа аусзуҩцәа равтомашьынақәа напыла, шьапыла иасуан, еиуеиԥшым амаҭәарқәа агәыдырҵо иалагеит, иара убри ала Аҟәа ақалақь аҩныҵҟатәи аусқәа Русбарҭа амилициа аҟәша № 1 (ОУР ОМ-1 УВД) ӷәӷәала аматериалтә ԥхасҭа арҭеит.

Иара убри ауха, 20 сааҭи 05 минуҭи инарзынаԥшуа, ақәыларатә гәҭакы змаз гәыԥҩык ауаа, уаанӡа амилициа аусзуҩцәа рганахьала амч зхы иазырхәаз атәылауаагьы уахь иналаҵаны, Аргәын имҩала иҟоу Аҟәа ақалақь аҩныҵҟатәи аусқәа Русбарҭа амилициа аҟәша № 1 ашҭахь инеит. Урҭ Амилициа аҟәша ахыбрахь мчыла аҩналара рҽазыршәеит. Убри аан, дара ҩаԥхьа   амилициа аусзуҩцәа рганахьала амч рхы иадырхәуеит.

Аҟәа ақалақь апрокуратура Асҭамыр Сабекиа, Павел Теребов, Нестор Џьопуа, Т.Б. Дарсалиа, И.В. Киркинаӡе, Д.Д. Џьынџьал, Л.Р. Лабжаниа рганахьала аусеилыргара хацнаркит.

Аҟәатәи аӡбарҭа аӡбрала Лабжаниа Л. Р., Сабекиа А. Д., Дарсалиа Т. Б., Џьынџьал Д. Д. ырбаандаҩуп.

 Заанаҵтәи аусӡбаратә усбарҭа Џьопуа Н.З.     ирбаандаҩразы азыҳәа Аҟәатәи ақалақьтә ӡбарҭахь инанашьҭит.