Аҟәа. Жьҭаарамза 30, 2023 шықәса. Аԥсныпресс. Арҭ амшқәа рзы Москва ақалақь аҿы имҩаԥысуеит есышықәса еиҿкаахо «Жәларбжьаратәи аҳазылхратә форум– 2023», уи аусура ахы аланархәуеит Аԥсны аҳәынҭқарратә ҳазылхратә Еилаы аделегациа. Аделегациа анапхгара аиҭоит Аҳәынҭқарратә ҳазылхратә Еилакы ахантаҩы актәи ихаҭыԥуаҩ Алиас Лабахәуа.
Афорум аусуратә программа иалоуп 12 тематикатә трек аҿы еидкылоу аусмҩаԥгатәқәа жәпакы. Урҭ жәларбжьаратәи алогистика атраформациеи атранспорттә коридорқәа рыҿиареи адәныҟаекономикатә усура адгылара аҭареи армариареи, адәныҟатәи ахәаахәҭра ацифровизциа, жәларбжьаратәи аусеицура, иара убас аҳазылхратә усхкы аҿы егьырҭ актуалра злоу азҵаарақаәа еиднакылоит.
Афорум аҳәаақәа ирҭагӡаны Аԥсны аҳәынҭқарратә ҳазылхратә Еилакы аделегациа апанельтә сессиа «Адгылара иазку ауснагӡатәқәа: иуадаҩу азҵаарақәа рзы имарианы» ахы аланархәит, иара убас атемақәа: «Азинмчы змоу аекономикатә оператор Иинститут: ҳаамҭазтәи аҭагылазаашьеи ааигәатәи аперспективақәеи», «Адәныҟаекономикатә усура иалаху рзы аҳәаанҭыҵтәи жәларбжьаратәи ахәаахәҭра иадҳәалоу афинанстә операциақәа» рыла имҩаԥгаз астол гьежьқәа ирылахәхеит.
Аԥсны аҳәынҭқарратә ҳазылхратә Еилакы ахаҭарнакцәа Жәларбжьаратәи аҳазылхратә форум уажәаԥхьагьы рхы аладырхәхьеит.
