«Зҭаԥхықәра Ҳәаақәҵоу Аилазаара «Гәылрыԥшь 2023» асанатор-курорттә ҟазшьа змоу ахыбра аргылара азы  4,5 гектарк рҟынӡа инаӡо адгьылтә хәҭа есымшатәи ахархәаразы аҭареи,  Бабышьра ақыҭан, 2-тәи Бабышьратәи амҩала иҟоу, 4,0 гектар рҟынӡа инаӡо адгьылтә хәҭа «Ақыҭанхамҩатә зкызаара змоу адгьылқәа» ркатегориа аҟынтәи «аиланхарҭатә ҭыԥқәа ирызку адгьылқәа» ркатегориа ахь аиагара азы аминистрцәа Реилазаара азин аҭара азы;    

«Дранда ақыҭан иҟоу гектарк рҟынӡа инаӡо адгьылтә хәҭа «ақыҭанхамҩатә зкызаара змоу адгьыл» акатегориа аҟынтәи «арекреациатә зкызаара змоу адгьыл» акатегориа ахь аиагаразы Гәылрыԥшь араион Ахадара ажәалагала ақәшаҳаҭра азы;

«Зҭакԥхықәра Ҳәаақәҵоу Аилазаара «ИНВЕСТ-СИМ» асанатор-курорттә ҟазшьа змоу ахыбра аргылара азы Гагра араион Алаҳаӡы ақыҭан иҟоу, 1,72 гектар рҟынӡа инаӡо адгьылтә хәҭа есымшатәи ахархәаразы аҭара ақәшаҳаҭра азы».

Аилацәажәара аихшьаалақәа рыла, апрофильтә парламенттә еилакы алахәылацәа иарбоу ақәҵарақәа рыпроектқәа ахәаԥшразы иааиуа Апарламент асессиа аилатәарахьы анагара азы аӡбамҭа рыдыркылеит.