Уи аԥхьа аиԥш-зеиԥшу аҵарадырратә центрқәа аартын аҟәатәи абжьаратәи ашкол №1 аҿы, иара убас галтәи абжьаратәи ашкол №1 аҿы.
Еиду Амилаҭқәа Реиҿкаара Ахәыҷтәы Фонд (ЮНИСЕФ) Аҟәатәи аофис Аԥсны иаххьаҵанакуа даҽа 10 школк рзы афизика, ахимиа, абиологиа, уҳәа амаҭәарқәа рзы алаборатортә еиқәыршәагақәа рзоужьра алнаршеит. Аиқәыршәагақәа ркомплект аҿы иҟоуп ахимиеи афизикеи рзы алаборатортә ҭҵаарақәа рзы ихымԥадатәиу аинвентарь, ареактивқәа, амикроскопқәа, уҳәа убас иҵегьы.
Ашколқәа рҿы аматематикатә цикл арҵаҩцәа – апроект алахәылацәа 2021 – 2022 шш. ирылагӡаны СТЕМ-азнеишьала амаҭәарқәа рызнагара азы аҵаратә семинарқәа ирхысит.
Иарбоу апроект ахықәкы хаданы иҟоуп ашколқәа рҿы иԥсабаратәу аматематикатә цикл иаҵанакуа амаҭәарқәа (алгебра, агеометриа, афизика, ахимиа, абиологиа) рызнагара иамоу аеффектива аҩаӡара аизырҳара аганахьала арҵаҩцәа ацхыраара рыҭара.
