«Ҳара аҭакԥхықәра зду, ареспублика аенергетикатә усхкы аҿы иҟоу апроблемақәа ртәы зеиӷьаҟам ала издыруа ауаҩы иаҳасабала шәаадыруеит.Иахьа араҟа анаплакы аҿы иҟоу изаамҭанытәиу аҭагылазаашьеи апроблемақәеи ртәы иаартны ҳалацәажәар ҳҭахуп. Иҳаҩсыз ашықәс азы абиуџьет ашьақәырӷәӷәара аетап аҿы Апарламент иарбоу аекономика аусхкы иназыцҵоу ахархәагақәа ралаҵара азы аӡбамҭа аднакылеит. Урҭ рхархәара шымҩаԥысуа атәы еилаҳкаар ҳҭахын».
Лаша Ашәба, адепутатцәа, ареспублика ауааԥсыра зегьы реиԥш, ахьҭақәа ҟалар ашьҭахь атәыла аенергетика аҿы аҭагылазаашьа шышьақәгылашьаз иаиуо азы агәҭынчымра рызцәырҵуеит.
Ҭемыр Џьынџьал Ареспубликатә Унитартә Наплакы «Амшынеиқәафымцамч» лаҵарамза 2023 шықәса ирҭагӡоу аамҭахәҭа азы аусура атәы инарҭбааны далацәажәеит.
Аиԥылара аҿы аенергетикатә усхкы иадҳәалоу азҵаарақәа ркомплекс иалацәажәеит, ареспублика афымцанхамҩа аҭагылазаашьагьы уахь иналаҵаны, ахархәара зауз афымцамч азы ашәатәқәа реизгара, иҟоу амчхарақәа реиҭашьақәыргылара, уҳәа убас ирацәаны.
